Pa jun nimalaj puqchajinem xb’atan kumal ajchajil tinamit ri’ xb’antaj kowinem xeriqitajik xuquje’ xechap loq e waqib’ chi winaqil kumal reqa’lenel ri Wokajil Ajchajil K’ache’laj (DIPRONA) rech ri Wokajil Ajchajil Tinamit (PNC) xuquje’ rech ri Wokajil Ajchajinelab’ Fuerzas Especiales (FEP).
Eri xechap loq e are ri’ jun achi ub’i’ José Ferneli Pinelo Pacheco 29 ujunab’, a Wilmer Ramírez Sánchez 35 ujunab’, a Carlos Daniel Guzmán Baj 32 ujunab’, a Julio Che Tec 23 ujunab’, a Baltazar Jerónimo García 53 ujunab’ xuquje’ a Wenseslao López Alonzo 39 ujunab’ kab’ixik xechapatajik aretaq xeriqitajik maj pa usaqil ketajin che qupin che’ chi uxukut peraj juyub’ rech etz’anemb’al tipinem ri’ k’o pa le kilómetro 496 rech ri nimab’e kab’e pa le tinamit rech La Libertad Petén ri’.
Eri q’atb’altzij rech ajchajil tinamit xub’ij eri nik’aj winaq xechapatajik xriqitaj kuk’ ch’ich’ rech qupib’al, q’eq’ kij, ri rech jalajoj e b’anom wi loq xuquje’ jalajoj kaqan taq, chi la’ k’ut xriqitaj wi kajib’ uqup che’ qupimaj ri jalajoj kak’ob’ ri’, xuquje’ aretaq xajilaxik pa ronojel k’o kajib’ chi nima’q peraj juyub’ kesam wi k’iyalaj taq che’ ri’, xuquje’ man uwujil ri che’ kiqupim nik’aj winaq ri’, rumal ri’ xek’am b’i pa q’atb’altzij.