Katajin uchomaxik rech ukojik rik’ilal chak rech Q’atenil k’ax pa we amaq’

Chi ke ri ch’ob’otal chak xuquje’ ri cholchak rech pa junab’ ri’ are chomam chik rech kachakuxik ri cholajisam ri’ pa ukojik rik’ilak e ajchomanel chak rech q’atenik k’ax pa we amaq’, xcha’ ri Ronald Portillo K’amal b’e rech ri Unidad rech Prevención Comunitaria xuquje’ rech q’atenik k’ax ri’ (UPCV) rech ri Taqawokajnem Chajinik pa Amaq’.

Xub’ij ri’ che are katerenb’exik ya’el uchuq’ab’ ri cholchak che ri kojom chik jacha’ ri katajin chik upatanixik kuk’ ri winaqil ri’ kuk’ ri e q’apojil, ak’alab’ xuquje’ ixoqib’, xuquje’ rech kuwa’lijsaj uchuq’ab’ ri ub’e’al ri B’anoj Chomab’al pa Tinamit rech Q’atenik b’anoj k’ax ri’ xuquje’ rech ri ub’anik uchakunik ri UPCV ri’.

Eri Portillo, xuya’ ub’ixik che rumal ri b’anoj k’ax xkik’ulmaj ri ixpqib’ ri’ eri Jachakunb’al pa le 25 ech noviembre kanoq xukoj ri’ jun cholchak ub’i’ Ub’antajik kowinem rech uq’atexik b’anoj k’ax, eri rech kuchomaj uq’atexik ri k’ax tajin kakik’ulmaj pa kachoch ri winaqil che ri are ri’ k’o k’ax uya’om chi ke ri ixoqib’ ri’ xuquje’ rumal ri’ are utaqim uchomaxik rech uq’atexik ruk’ ri komon taq chomanem ri’ pa kik’ulajil rech are kaya’ chi ke ri ixoqib’ rech ketatb’enik pa le chomanem ri’ xuquje’ rech ruk’ wa’ kakiyak kib’ che reta’maxik ri ya’talil chi ke ri e are rech kakib’an uchakuxik ri’.

Xuquje’ rumal ri b’anoj k’ax tajin kakik’ulmaj ri ixoqib’ ri’ xkoj jun nimalaj ya’ltzijol rech ub’ixik chi ke, are ub’i’ Ma waj ub’ixik chab’ij loq, rumal b’a’ e k’i chi ke kakiriq k’ax ri’ xa’rumal b’a’ eri e are ri’ man k’ot kakiya’ loq ub’ixik kumal ri’, rumal k’u ri’ ruk’ wa’ are kaqatzukuj rech kaqawa’lisaj kanima’ kachomab’al rech kakich’ob’o che sib’alaj utz b’a’ rech kakib’ij loq.

Rumal ri’ k’o wuj rech tijonem ub’ixik chi ke rech kajipix ub’ixik pa kijujyub’al winaqilal ri’ xuquje’ kitzijol ri comisiones ri’ kiwokom uwach ri UPCV ri’ rech are kuya’ jun ub’eyal rech ub’ixik loq pa le rajilab’al ch’a’wib’al loq, xuquje’ rech kakiwaj ta ub’ixik loq xuquje’ rech uq’atexik b’a’ ri b’anoj k’ax chi ke, are wa’ qas k’o upatanib’al xcha’ ri Coordinador ri’.

“K’o jujun taq b’anoj k’ax che ri k’amanaq chik rilik qab’anom ri’ pa qachoch pa qak’olib’al, qonojel k’ut qak’amansaj qib’ rech chaqib’ij loq ri b’anoj taq k’ax ri’ kab’an chi ke ixoqib’, ak’alab’ xuquje’ alab’om alitom ri’”, xcha’.

Alerta de Corrupción

Ultimas noticias