Eri Wokajil Ajchajil K’ache’laj (DIPRONA) ri’ rech ri Wokajil Ajchajil Tinamit (PNC) xkimaj ri ub’anik ri ya’olchajinem tzukunik rech q’atenik ri uxaq uche’al ri Tz’inchaj ruk’ ri Tillandsias ri maj pa usaqpil kak’ayixik.
Rumal ri’ eri e ajchajinelab’ ri’, tajin kakisolij ri kik’amom b’i ri winaqil pa taq ri kich’ihc’ rech kakilo we ri k’isik reqam ri marchamo saq ri’ rech k’o pa usaqil kak’ayixik, eri che’ ri’ pa uwokajil ri’ kak’ayixik ruk’ ri marchamo q’eq kaka’yik, eri b’anom uperex pirpich’ che, are la’ nik’aj chik kak’ayixik, rech ri Abies Guatemalensis xuquje’ Tz’inchaj ri’, xuquje’ ri k’o uwujil kak’ayixik ruk’ rajil kojom chi rij ri’.
Eri q’atb’al tzij ri’ chi la’ pa le kilómetro 83 rech ri nimab’e Interamericana ri’, pa juyub’al rech Tecpán pa Chimaltenango ri’, eri DIPRONA chi la’ xukoj wi jun k’olib’al ya’olchajinem tzukunik ri’ rech uq’atexik kaq’ax chi’ ri Tz’inchaj maj pa usaqil kak’ayix tane’, rumal k’ut eri che’ ri’ are kupetisaj k’ax yab’ilem pa we amaq’.
Are k’o nim upatanil kaqaya’o ub’ixik che ri che’ ri’ ya’tal pa usaqil kak’ayixik are kariqitaj ri’ pa wajxaqlajuj k’ayib’al ri’ che ri taqom rilik rumal ri Instituto Nacional rech Bosquez (INAB) xuquje’ rumal ri Consejo Nacional rech Áreas Protegidas (CONAP) ri’ pa ronojel rulewal amaq’, ri rajwaxik reqa’m ri marchano rech q’alaj k’o pa saqil k’amom wi loq.