Are taqim rech kakub’isax kik’u’x kanima’ ri e wa’katel winaq che ri ke’opan loq pa we Amaq’, rumal ri’ eri q’atb’al tzij rech ri Ministerio rech Gobernación (Mingob), xetaqon che ri reqa’lenelab’ ri División rech Seguridad Turística (Disetur) ri’ rech ri Wokajil Ajchajil Tinamit (PNC), rech kechajinik, ketob’anik xuquje’ ke’achb’ilan chi ke ri e wa’katelab’ ri’, xcha’ ri comisario xuquje’ taqanel rech ri División ri’, Carlos Emilio Soberanis Pinelo.
Xuquje’, xub’ij che xya’taj uchuq’ab’ ri seguridad turística ri’ pa taq ri jalajoj opanb’alil rech ri kiq’ajib’al xik’ach’ich’, are wa’ rech kaya jun utzalaj tob’anik ilonem chi ke ri winaqil kepe loq pa we Amaq’.
Eri jun chi ke ri kchak patan ri e ajchajinelab’ ri’ are kekowon ketzijon pa tzij inglés ri’, are wa’ rech ketzijon kuk’ konojel ri winaq naj kapetib’al ke’opan loq pa Iximulew, xhca’ ri taqanel rech ri Disetur.
“Eri ya’olchajinem ri’ are la’ kab’an pa le Aeropuerto Internacional La Aurora, chi upam ri’ xuquje’ pa le ke’al wi loq ri e ajb’inisaxel ri’. Jeri’ kab’an ub’ixik chi ke ri kopanib’al ri’ pa we Amaq’, jeri’ pa taq ri k’olib’al uxulanem wa’katib’al rech ri pa Uk’u’x Nimatinamit, ruk’ nik’aj chik tzijob’elil ri’”, xcha’ ri Soberanis Pinelo.