Are taqim yab’al uchuq’ab’ kaq’atexik kuwach ri narcotráfico xuquje’ ri nuk’wokaj kamisanem pa rulewal qatinamit, rumal ri’ eri q’atb’al tzij rech ri ya’olchajinem pa Amaq’ xkichmaj ukojik ri k’ak’ Unidad Aérea rech ri Ministerio rech Gobernación (Unagob). Eri wokaj ajchajinelab’ pa kaqiq’ rech ketob’an pa le kesaxik winaq pa k’ax, rech kakik’am b’i winaq rech keto’ik xuquje’ rech ke’ilon pa aninaqil are chi’ k’o k’ax kariqitaj pa uwachulew ri’.
Eri ministro rech Gobernación, David Napoleón Barrientos, xub’ij, “Are wa’ qas xkoj ri unidad aérea ri’, are la’ kakikojo ri viceministerios xuquje’ ri uq’ab’il taq ri taqawokajnem ri’, pa taq le b’anoj tzukunem cho kaj rech are chi’ katzukux ri jastaq awan kunb’alil xuquje’ rech pa aninaqil ke’opan ri q’atb’al tzij pa taq kab’an wi ch’ojinik kumal winaq che ri qas keriqitaj naj pa we qatinamit”.
Eri uchomaxik b’anom rumal ri Consejo Nacional rech Administración rech Bienes rech Extinción rech Dominio ri’ (Conabed) chuwach ri Secretaría Nacional rech Administración rech Bienes rech Extinción rech Dominio ri’ (Senabed), xuya’ pa retal ri’ xekoj keb’ xik’ach’ich’ pa extinción rech dominio ri’, rech kejach k’ur pa le Unagob ri’. Xuquje’, tajin q’axnik chomanem rech kejach oxib’ chi xik’ach’ich’ pa le unidad aérea rech ri taqawokaj ya’olchajinem pa Amaq’, xcha’ ri ministro Barrientos.
Eri ajpatanel ri’ xub’ij, “Eri jachakub’al ri’ kek’oji pa uq’ab’ e jo’ob’ chi helicópteros rech ri Fuerza rech Tarea rech Interdicción Aérea, Antinarcótica xuquje’ Antiterrorista (Fiaat), ri xa’ chik keyem kejach k’ut rumal ri Gobierno rech Estados Unidos, rech kek’oji pa uq’ab’ utaqanik ri Ministerio rech Gobernación (Mingob). Are wa’ ketz’aqat e wuqub’ chi xik’ach’ich’ pa junab’ ri’”.