Are taqim k’ut rech k’o ri tajin kaketa’maj xuquje’ rech kakich’ob’ kakich’ak kirajil pa utzilem ub’anik ri’, are la’ tajin pa le Departamento Productivo Laboral rech ri Dirección rech ri Sistema Penitenciario ub’i’ (DGSP) rumal ri’ tajin ukojik ri cholchak rech kesuk’umax ri’.
Eri kaketa’maj k’ut are reta’maxik b’anoj taq chakach, k’olib’al rech keqaxik ri jalajoj kib’anik xuquje’ jalajoj kuwach taq kumal ri e tz’apil pache’ q’atb’al tzij rech ri Centro rech Detención Preventiva rech Reinstauración Constitucional Pavoncito ri’.
Enk’u ri e tz’apil pache’ pa le Centro rech Detención rech Máxima Seguridad, pa El Boquerón, ketajin che uch’ob’ik kakib’an piñatas rech kakijito kakik’ayij chi ke ri winaqil che ri ke’opan kakich’ab’ej ri kachalalil chi’ xuquje’ chi ke ri nik’aj chik ke’opan chi la’ k’ut.
Pa k’isb’al ri’ eri q’atb’al tzij rech pa japache’ tz’apib’al ri’ xkitaq ub’anik chi la’ pa Pavoncito jeri’ pa El Boquerón rech kak’oji ri talleres rech carpintería chi’ rech are la’ ketijox wi ri e tz’apil chi’ rech kakich’ob’ ub’anik k’olib’al wujil, rech k’olib’al pa b’anob’al wa, rech b’anob’al ch’at, xuquje’ kakich’oj nik’aj chik jastaq che ri kakib’an ri kachib’il ri’, rech kakich’ob’ ub’anik wa’, pa taq le q’ij rech tojb’al kimak chi’ rech are la’ keta’m chik rech kakikojo ri kak’ayinik rech kakitzuqu kib’ chi rij wari’ xuquje’ rech k’o kipwaqil kakitaq b’i ri kachalal pa kachoch xuquje’ chi ke ri kachalal che ri man e k’ot kuk’ r’.