We q’ij kamik katajin Urox Kariqib’al kib’ ri Secretaría Ejecutiva rech ri Comisión rech Q’atenik Itzel Awam Kunb’alil ruk’ ri Uk’ayixik ri’ ub’i’ (SECCATID) ruk’ wa’ are tajin kuk’ut ri q’atenik k’ax pa le wuqq’ij ri’ ruk’ yab’al uchuq’ab’ ri Chomab’al pa Tinamit rech Uchomaxik ri Q’atenik ri Awan Kunb’alil xuquje’ rech Kak’ayix ta chik, chi’ k’u ri’ xetatab’en wi ri Tercer Viceministro rech Q’atenik K’ax, Carlos García Rubio xuquje’ ri Quinto viceministro rech Antinarcóticos, Fernando Manolo Rodas de León ri’.
Katajin k’ut ub’anik k’i taq chomanem pa we amaq’il, rech chapom kab’lajuj uwach ri’, pa taq ri tinamit, ruk’ taq jalajoj retz’b’axik b’anoj ya’oltzijolil ri’, pa taq wokoj katajin ub’anik ri’, xcha’ ri Viceministro García Rubio.
Eri Plan Colombo ri’ are la’ jun uwach nimachomab’al kab’an ri’, are la’ rech kab’ix utzijoxik rech ri uq’atexik ri awan kunb’al ri’, jeri’ rech kaya’ uchuq’ab’ uq’atexik wari’, rech kaq’atatajik, rumal ri’ k’o k’i taq uwach cholchak kab’an na ri’.
Xuquje’ ri Tercer Viceministro, xub’ij chik, che rajwaxik k’ut kemol pa wokoj ri winaqil rech kakichomaj wari’, rumal ri’ rajwaxik are kakoj ri chakub’al rech chomanem kumal ri tinamit pa uwachulew, rech kach’ob’ik ri ub’anik uq’atexik ri awan jastaq kunb’alil ri’ xuquje’ rech kaq’atexik ri k’ax kupetisaj pa taq ri tinamit ri’.
Eri Campaña Internacional, ub’i’ “Chak’aslemaj pa ki’kotem ri Iximulew maj wi itzel kunb’al ri’”, rech kak’usax kachomab’al ri winaqil pa taq Chinab’jul, Chuwi’meq’ina’, pa K’iche’ Juyub’ xuquje’ pa Xe’laju’.