Eri reqa’lenel ri Subdirección General rech Q’atenik k’ax ri’ rech ri Wokajil Ajchajil Tinamit, xkib’an jun riqb’al ib’ chomanem pa le Salón Municipal rech Nahuala, Tz’oloja’, ri Mesa Técnica rech Seguridad ri’, chi’ k’u ri’ eri q’atb’al tzij xkiya’ ub’ixik ucholaj ri ch’ojinik chi kuwach ri winaqilal chi’ chi rij rulewal tinamit, chi’ k’u ri’ xkiya’ wi utzijoxik ri chajinem rajwaxik kab’anik rech kachajixik ri winaqil chi’.
Eri chomanem ri’ are xk’am ub’e’al rumal ri Néstor Diéguez García, Subdirector General rech Q’atenik k’ax; ri Comisario Byron Fuentes, Taqanel ri Comisaria 72 pa Tz’oloja’; ri Manuel Guarchaj, Ajkalte rech Nawal ja’; ri Fernando Rodríguez rech COPADEH; ri Jorge Marcos Cochoy Yaj, rajchomanel ri PDH, xuquje’ ri Ajk’amol kib’e Winaqilal rech pa tinamit ri’ che ri kiriqom k’ax pa le uch’ojil rulewal tinamit, ri Rajchomanel Winaqilal rech ri Comisaría 72 xuquje’ ri Rajchomanelab’ ri Comité rech Tierras ri’.
Chi’ k’u ri’ eri winaqilal ri’ sib’alaj xkiya’ loq ub’ixik ri chakunem b’anom chi la’, xkimaltyoxij ri utob’anik ri Wokajil Ajchajil Tinamit chi ke ri’, rumal pa aninaqil xe’opan ri’, jeri’ ri wokoj rech nik’aj chik winaqilal pa le Mesa Técnica ri’.