Pa k’i tzaq tzukunik xb’antaj kumal ri reqa’lenelab’ ri División Especializada rech Investigación Criminal (DEIC), rech ri Wokajil Ajchajil Tinamit xuquje’ ri Q’atol rech ri Ministerio Público, xechapataj e oxib’ e ajb’anol k’ax che ri kakik’am b’i winaq pa jun chik nimatinamit ri’, e are la’ xechapataj k’ut k’o ri pwaq xuquje’ nik’aj chik jastaq xriqitaj kuk’.
Pa le Fiscalía Contra ri Tráfico Ilícito rech Migrantes ri’ xkowon xe’uriqo jun molaj e ajb’anol k’ax ri’, ri xaq katajin ri’ xkik’am b’i winaq maj pa usaqil pa Estados Unidos rech América ri’, are rech kakichap pwaq chi kij maj pa usaqil ri’.
Eri xechapatajik are are ri’ a: Pedro Celestino Ixmata Guachiac, 49 ujunab’ ri’, ruk’ ixoq ub’i’ Catarina Leocadia Ixmata Guachiac 27 ujunab’ xuquje’ a Diego Sohom Ajpop de 57 ujunab’ ri’.
Eri q’atb’al tzij ri’ xekowon che kichapik nik’aj winaq e ajb’anol k’ax ri’ ri tajin xkijit ub’ixik pa q’axeb’al tzij, rech kakik’am b’i chinaq kakaj keb’e pa tinamit naj, are la’ maj pa usaqil ub’ixik ri’ pa Eri winaq chi la’ e are kaq’atim kib’e ri PNC rech kakichap loq nik’aj e ajb’anol k’ax ri’ chi la’ k’ut.