Pa 12 rech diciembre rech 2022, xmajtaj jun tijonem chi ke ri tzukunel rech ri ajchajinelab’ rech taq q’atb’al Tzij pa ronojel qatinamit. Eri tijonem ri’ are la’ xb’an pa le aula virtual k’o pa le Gabinete Criminalístico (Gacri) rech ri Subdirección General rech Investigación Criminal (SGIC) rech ri Wokajil Ajchajil Tinamit (PNC), pa zona 6 rech pa nimatinamit.
Eri Coordinadora rech ri Sistema ASGIS rech ri Subdirección xub’ij che e k’o 24 reqa’lenel ri PNC ketajin pa tijonem ri’ rech kakich’ob’ ucholaj ri Sistemal rech Indentificación rech Huellas Dactilares ruk’ Palmares (AFIS). Eri wokajil ri’ are kusik’ij retal uwi’kaqb’a’ winaq, ri achib’al k’o chi kij, ri retalil taq ruk’ ri retal taq tech’ ri’. Xuquje’ are kutaqij katzukuxik ri winaqil che ri kib’anom ri k’ax.
Xuquje’, are tajin rilik eri uwachwujil tecnológica kutun rib’ ruk’ ri tzijol rech ri PNC rech Honduras xuquje’ El Salvador, are wa’ rumal ri wujilal rech nuk’chomab’al xjuch’ uwach ri’.
Eri runimal kak’ut ri’
· Ri nuk’ulib’al taq tzijol ruk’ ri ch’ob’oj Henry
· Retal uq’alajisab’al rech uwi’q’ab’aj
· Tz’ajb’al rachib’al ri retal uwi’q’ab’al pa jun b’anoj k’ax
· Ucholaj ri biométrico AFIS
· Tzukunib’al rech ch’ob’oj tzijol MI3
· Ri chak pa nimaja rech b’anob’al uk’u’x awan kunab’al riu’, rech kab’an rilik retal rachib’al jun uwi’q’ab’aj, puq uwi’q’ab’aj, rachib’al kipalaj winaq xuquje’ rachib’al ri kak’ulmataj wi ri b’anoj k’ax.
Eri k’uttijonem kanajtib’ oxib’ ik’. Eri e ajchajil tinamit kaketa’maj kich’ob’o ri uchapik uchakuxik ri k’ulmam wi b’anoj k’ax kamisan winaq ri’ rech kakesaj rachib’al uwiq’ab’aj winaq chi’, xcha’ ri coordinadora.
Xuquje’, xub’ij pa le wokajil ajchajil tinamit e k’o k’ut 75 chi ajtzukunelab’ rech ri PNC ri k’o ri keta’mabal rech kakikoj ri nuk’ulib’al rilik tzijol jacha ri b’im ri’. Pa le 29 rech marzo kamajtajik jun chik retal tijonem chi ke 25 e reqa’lenel ri SGIC rech kakiya’o uchuq’ab’ ri chak rech tzukunem kumal e ajchajil tinamit.