Eri García Rubio xub’ij “Ri Ixoqib’ e are ranima’ le tinamit” #YoDenuncio


Pa jun cholb’inem pa joremal e are jun b’enaq le viceministro rech Q’atel k’ax, Carlos García Rubio, xub’ij ri’ “Eri ixoqib’ e are ranima’ ri winaqil tinamit”, are wa’ xub’ij we kamik pa le Nimaq’ij rech kiq’ijol le ixoqib’ pa Uwachulew xuquje’ rech xuya’ uchuq’ab’ ri b’iw ub’ixik loq ruk’ le ya’ltzijol ub’i’ “Mawaj ub’ixik chab’ij loq” ri’. Eri cholb’inem ri’ are wa’ xb’an la le sexta avenida ri xk’is pa le Parque Central ri’.

Eri viceministro García, junam b’enaq ruk’ ri Subdirector General rech Q’atel k’ax rech PNC, Héctor García, ri Woksolinel chak rech ri Unidad rech Prevención Comunitaria rech ri K’ax, Ronald Portillo xuquje’ ri kajchomanelab’ ri puq ixoqib’ ri’, xkijach ri wuj rech ya’ltzijol ruk’ utzijolil ub’ixik chi rij jawchi’ kakib’an wi opanem wexa’ k’o pa aninaqil ri’, ri rajilab’al ri ch’a’wib’al rech kech’a’w wi loq xuquje’ rech uch’ob’ik uwach taq ri b’anoj k’ax kab’an chi ke ri’.

“Kojtajin k’ut che ub’anik 33 ya’ltzijol ri’ chi’ k’u ri’ kaqajach wi le wuj rech ub’ixik chi ke ri ixoqib’ rech kaketa’maj kakich’ob’o jas le ub’e’al le b’anoj ub’ixik kakib’an loq, are wa’ jun ub’e’alil le ya’tal chi ke ri winaqil rech e are jun ke’ok loq pa le ya’ltzijol b’iw ub’ixik ri’ are wa’ rech uq’atexik ri b’anoj k’ax chi ke ri e ak’alab’, taq ala, taq ali ri’”, xcha’ le García.

Are wa’ k’o pa taq le ub’e’al cholchak rech q’atel k’ax chi ke ri ixoqib’, eri ajpatanel ri’ xuya’ ub’ixik ucholaj che ketajin k’ut che uchomaxik ri ub’e’al ri cholchak rech q’atel k’ax ri’ xuquje’ ri Riqb’al ib’ chomanem pa Joremal ri’.

Pa le cholb’inem ya’ltzijol ri’ e are jun xetatab’enik ri Polito, ri Polita xuquje’ ri Leshi, are rech ya’el uchuq’ab’ ri b’anoj chomanem ri’ kuk’ ri q’atb’altzij rech ajchajil tinamit.

Ultimas Noticias

spot_img