Taqim k’ut uchomaxik rumal ri’ Ministerio rech Gobernación (Mingob) rech utz taq patan kab’an pa taq ri Centros rech Apoyo Integral chi kech ri Ixoqib’ Sobreviviente rech Violencia (CAIMUS) ri’ pa le awas q’ij rech pa junab’ ri’, pa le 27 rech marzo ri’ xya utzijolixik pa le Diario rech Centro América (DCA).
Eri wujilal ri’ chi upam cholajisam wi ub’ixik che ri Taqawokajnem rech ri Ya’olchajinem pa Amaq’ are q’atb’al tzij rech kuchomaj uya’ik ri pwaqil rech tojob’al chak rajwaxik jacha ri kub’ij pa le artículo 128 rech ri Taqanik Tzij rech Ya’b’al Pwaqil rumal ri Taqon Amaq’ Tinamit 2023, ri k’o uq’ijol ukojik pa le Q’ataj Patan 2024. Are la’ kajachik chik taq kajkaj ik’ ri’. Jacha ri k’o ri’ xuquje’ are la’ kak’oji pa le Unidad rech ri Upatanexik ri Prevención Comunitaria rech ri Violencia (UPCV), are ri’ kaya’ik pa ronojel Q25 millones 980 mil chi pwaqil.
Eri Acuerdo Ministerial Número 61-2024 kakolo
Xuquje’ xub’ij che ri wokajilal kech ixoqib’ e ajk’amol rech ri pwaqil rajwaxik ri’ are la’ kajach pa le wujilal chi uwach qaj ri 15 rech mayo rech pa junab’ ri’. Eri wujilal juch’um uwach ri’ tzijotal pa le DCA xuquje’ kaya utzijoxik ucholaj kuk’ ri wokajilal ya’tal chi kech. Rech te k’u ri’ eri Tercer Viceministerio rech Gobernación kuq’axe’j ri wujilal pa le UPCV, reh kamaj ujachik, xuquje’ rech kakoj ri chakuja rech kuk’am pa uq’ab’ ri Ministerio rech Finanzas Públicas (Minfín).
Eri pwaqil are kakoj kumal ri wokajilal e rajawtzij, rech pa saqilem ukojik kakib’ano, rech utaqixik kilik kachomaxik ri ixoqib’ xekam ta pa le k’ax ri’. Rumal ri’ ya’tal ta chik xaq tane’ kaloq’ ri ja k’olib’al ruk’ taq jastaq we man k’ot pa usaqilal ukojik rumal ri’ Taqawokajnem rech ri Ya’olchajinem pa Amaq’, rech utz kub’an che upatan ri CAIMUS, rech kubpalil ke’lik kechomaxik ri ixoqib’ che b’anom k’ax chi kech pa tinamit.
Eri juch’um wujilal ri’ kub’ij che ik’ taq, kaya ub’ixikil ri chak kab’anik, ri rajwaxik kacholajisax ub’anik ri utzilem chi kech ri winaqil pa tinamit. Are ri Unidad rech Auditoría Interna rech ri Mingob kuterenb’ej rij ri pwaq kasachik xuquje’ ri Contraloría General rech Cuentas are jun ajilonel chi rij ri jastaq rajwaxik kaloq’ik pa jikomal. Pa le juch’um wujilal, eri Mingob kukoj na jun comisión liquidadora are kuril uwach, kusolij uwach xuquje’kub’an le rilik jas xkoj wi ri pwaq xsachik.