Are uwach ri chajinem kab’an pa Awas Q’ij ri’, rumal ri’ eri Quinto Viceministro rech ri Ministerio rech Gobernación (Mingob), Werner Ovalle, xopan kamik che usolixik ri puqchajinem tajin pa taq nimab’e ruk’ ri k’olib’am chajinem tzukunik, chi la’ k’ut xuya wi uq’ijol katob’anik ri winaqilal kuk’ ri wokaj e ajchajil tinamit pa le nimab’e Interamericana jeri’ pa taq nimab’e pa tinamit.
Eri tat Ovalle xub’an jun sik’inem tzij chi kech ri e ajb’inisal kejach’ich’ che ri kewa’kat pa le kilómetro 80 rech ri nimab’e CA-1, Ruta Interamericana Occidente, rech xkilo we k’o kiwujilal keqam keb’inik. “Are k’o nim upatanib’al eri e ajb’inisal ch’ich’ xuquje’ kejach’ich’ rech rech kilik we keqam kiwujilal rech xaq ta kakiq’atij nimab’e”, xcha’ ri Ovalle, xuquje’ xopanik xurilo ri K’olib’em chajinik kumal Wokajilal che ri ke’opan pa le kilómetro 75.5 rech ri nimab’e. chi la’ k’ut, xesolin wi ri ajchajinelab’ rech kakilo we man k’ot awan jastaq kaq’ax chi la’.
Eri nim patanel xub’ij k’o nim upatanib’al we ri winaqilal kakib’ij uloq pa le 110 kitzijol ri e ajb’anol taq k’ax ri’ xuquje’ we k’o ri k’ax kab’an chi kech, pa taq ri q’ij rech uxlanib’al. Pa le solinem ri’, xetzijon kuk’ ri e ajb’inisal ch’ich’, ri xkib’aij che tajin kakeche’j keb’an che wa’katem pa le Awas Q’ij ri’ pa Iximulew.