Are taqim uya’ik kichakub’al ri reqa’lenelab’ ri Wokajil Ajchajil Tinamit (PNC) rech yab’al uchuq’ab’ kichakunik pa le kachajixik ri winaqilal pa tinamit, rumal k’ut taqim uloq’axik 20 mil chi chalecos antibalas rech pa junab’ ri’.
Eri uloq’ik ri chakuub’al ri’ are la’ uwach ri B’anoj Utzilem ri Ub’eyal Transformación Policial ri’ che ri taqom ub’anik rumal ri Amaq’ Iximulew pa le reqele’nik ri Ministerio rech Gobernación (Mingob), rech k’o k’ak’ ri chakub’al kaya chi ke ri e ajchajin tinamit rech pa kub’sib’al k’u’x kakib’an ri kichakunik ri’.
E taq’alb’em rech kakikojo
Eri Ministro rech Gobernación xub’ij che e taq’alb’em che ukojik ri chalecos kumal ri e ajchajil tinamit rech kakito’o kik’aslemal pa le b’anoj chajinem ri’ pa le kaq’atexik ri b’anol k’ax xuquje’ rech pa le kato’ik ri winaqilal ri’.
Eri chalecos antibalas ri’ are la’ xtaq ub’anik ruk’ tob’chakub’alil rech xkoj utzilaj chokonsa’n chech ri’ ri ko kuq’i’o, are rech kakub’isax uchuq’ab’ ri kichak ri e ajchajil tinamit rech k’o kichuq’ab’ kek’oji pa taq q’atenik ri k’ax ri’.
Ri k’ak’ kitz’iyaqb’alil
Eri taqa’amaq’ pa le reqele’n ri Taqawokajnem Ya’olchajineik pa qatinamit xutaq uloq’ik 80 mil chi k’ak’ atz’iyaqb’alil che ri k’o jun retalil ub’i’ código QR ri’, chi’ k’u ri’ eri q’atb’al Tzij kakil wiri’ jachin ri kukoj ri’. Xuquje’ are rech la’ kakilo ri winaqilal rech kakiya loq utzijol ri ajchajil tinamit ri reqam ri’, xcha’ ri Minsitro rech Gobernación.
Eri reqa’lenel chajin tinamit ri’ pa le waqib’ q’ij rech junio ri’ k’o k’ak’ katz’iyaqb’al xar rij kakikoj ri’, jacha ri kakikoj konojel ri ajchajin tinamit pa taq ri tinamit. Eri fuerzas especiales rech ajchajin tinamit ri’ are kakikoj ri q’eq atz’iyaqb’al le rilik kikojom pa le b’anoj puqchajinem tzukunik ri’.