Eri q’atb’al tzij rech ri Ministerio rech Gobernación xkib’ij che kakinimarsaj uwach ri Nuevo Modelo rech Gestión Penitenciaria pa keb’ japache’ tz’apib’al, arech rech kataqix kato’ik ri e tz’apil pache’ ri’ rech k’o utz chak keta’m chik are chi’ keb’el loq pa taq kachoch ri’.
Eri Gendri Reyes, q’atb’al tzij rech ri Ya’olchajinem ri’ xub’ij eri B’anoj K’ak’ Taqanem pa japache’ ri’ pa Fraijanes I, are rajwaxik ri’ kakojik pa Fraijanes II ri’ xuquje’ pa jun chik japache’ tz’apib’al rech pa we amaq’ ri’.
“E k’o e k’i na e ajpache’ ri’ kesuk’umaxik pa le b’anoj k’ak’ taqanem ri’ chi’ k’u ri’ eri embajada rech Estados Unidos katob’an chi ke ri’, rech kaketa’maj kakib’an utz taq wa rikil, rech kakich’ob’ kakib’an utz taq tiko’n pa le tijonem chi ke, rech are la’ utz kakib’an pa taq tinamit ri’”, xcha’ ri Reyes.
Are la’ uwach uq’atexik toq’inik pwaq, rech man k’ot chik toq’inik pwaq chi ke winaq ri’, are la’ kupatanij ri K’ak’ Taqanem ri’ pa japache’ rech man k’ot chik b’anoj k’ax kumal ri e tz’apil pache’ ri’, “ruk’ wa’ eri winaqil man kakib’an ta chik b’anoj k’ax ri’, rech pa jikomal kakik’asb’ej kib’ xuquje’ kechakun ri’”.
Ruk’ wa’ kutun rib’ ri K-9 pa taq ri japache’ ri’. E lajuj ri’ ketob’an pa b’anoj solinem chi ke ri winaq ke’opan pa ch’ab’enik pa taq ri japache’ ri’.