Eri Q’ijol Unimaq’ij pa Uwachulew rech ri Qatzij Qach’ab’elil are kab’an pa jujun taq 21 rech febrero, rech utaqixik ri tijonem pa kitzij kich’ab’al ri winaq rech taq tinamit. Eri q’ijol ri’ are la’ xq’at ub’ixik ub’anik pa le Conferencia General rech ri Organización rech ri Naciones Unidas rech ri Tijonem, ri Eta’mab’alil xuquje’ ri No’jk’aslemal ri’ (Unesco), xb’an pa le 16 rech noviembre redh 1999 ri’.
Rech b’a’ kajipixik utzijolil rumal ri q’atab’al Tzij rech Taqawokajnem ri’, kumal ri Q’atb’al Tzij rech ri Ministerio rech Gobernación ri’ (Mingob) xkib’an k’i taq ub’e’al b’anowem rech tob’anik pa junimal ri’ xuquje’ rech jun utzalaj ub’ixik pa taq ri kitzij kich’ab’elil ri winaqilal pa tinamit. Xuquje’ pa le b’anoj chomanem tzijonik kuk’ ri winaqil kuk’ ri reqa’lenel ri Wokajil Ajchajil Tinamit (PNC), rech kakiwa’lijsaj uwach ri nimab’al xuquje’ ri uno’jb’ixik ri k’ax kakilo kab’anik.
Rumal ri’ pa jujun rachoch k’olib’al ri PNC, e k’o ajchajinel kech’a’w pa kitzij kich’ab’al ri’, rech are la’ kakikojo rech ketijon kuk’ ri winaqilal ri’ xuquje’ rech kakikub’isaj kik’u’x ri winaqil chi ke ri wokaj ajchajin tinamit. Rech pa kitzij b’a’ kech’a’w ri eqa’lenel rech ketzijon pa taq q’axeb’al Tzij pa katinamit, rech kakiya ub’ixik ri chak b’anom pa le ya’olchajinem winaqilal ri’.
Xuquje’ tajin ub’anik nimaq’ij rech b’anob’al q’alanem chi ke ri winaqil, rech retz’b’exik b’anoj tijonem, rech usaqab’exik upam k’olemal pa tinamit, rech ya’oltzijolinem rech q’alanem b’ixkk xuquje’ rech ke’ilik keto’ik kekunaxik ri winaqil we kakiriq k’ax ri’.
Xuquje’ rech kak’ub’isax kuwach ri winaqilal che ri t’ar kixikin man k’ot kakito are chi’ ke’opan pa uq’ab’ilal ri Nimchakuja Taqawokajil ri’, e k’o e ajchak che ri xetijox chi rij Reta’maxik Ukojik Etalil Kech’a’wik, xetijox kumal ri reqa’lenel rajchak ri Wokajil ub’i’ Benemérito Comité Pro-Ciegos xuquje’ Sordos rech Paxil Kayala’ ri’.
K’o pa taqanem tzij
Eri Nim Taqawokaj Taqanib’al pa Nimatinamit Paxil Kayala’ ri’ xutaq ub’ixik pa le Decreto 19-2003, Taqanem Tzij rech Tzij ch’ab’al pa Amaq’il, kutaq ub’ixik rech kab’an utz chech ri Tzij Ch’ab’aol Mayab’, Garifuna xuquje’ Xinka ri’, rech kuya uk’aslemalil, unimab’al uwach xuquje’ rech kakoj kumal uwinaqilal ri’. Eri unimaxik wari’ are qas toq’am ub’ixik unimaxik pa le Cholk’aslemal Wuj Amaq’il Paxil Kayala’ ri’ xuquje’ kanimaxik ri Ch’ojib’al Ya’talil Winaqil ri’.
Pa le Decretro 3-2020 ri’ kataqon wi ri taqanem Tzij rech Kak’am Kaloq’axik xuquje’ Kutaq ub’anik Tijonem rech ri Kech’a’w ri man k’ot kich’ab’alil pa Paxil ri’ (LENSEGUA), xya pa tzijolinem rif’ rumal ri Wokaj e Taqanib’al Amaq’ pa le Diario rech Centro América ri’. Eri jun taqon b’anoj ri’ are kutaq ub’anik ukojik ri retal, ub’anik, ukojik kaq’ab’ xuquje’ kakisilob’isaj kib’ ri’, ruk’ jun q’atam wujil rech kakoj pa lengua rech señas ri’ pa taq tinamit, pa riqb’al ib’ xuquje’ pa juntir rulewal qatinamit.
Eri Saqamaq’ pa komon uchakuxik ruk’ ri Nimawokajil rech Rachoch taq Ch’ab’al Mayab’ rech Paxil ri K’ulb’il Twitz K’ulb’il Yol Paxil xuquje’ ruk’ ri Consejo Nacional rech ri Atención rech Personas ruk’ taq Discapacidad (Conadi), rajwaxik kakib’an jun k’uttijonem pa le uch’ob’ik ri ub’anikil ri Tzij ch’ab’al ri’ xuquje’ rech kakitaq ukojik ri winaq rech Kuch’ob’ Katzijon pa le Lengua rech Señas ri’, rech kataq ub’anik wa’ pa tinamit kuk’ ri winaqil xuquje’ rech kechakun pa le kitzij rech katinamit ri’ pa le kanimaxik ri winaqil ri’, rech jeri’ kab’an ri’ pa le wokajilal e k’o pa tinamit.