Are b’a taqim b’anoj kemonchak tob’anik rech ya’ik uchuq’ab’ ri nimaq’atenik ri b’anoj k’ax pa Iximulew, rumal ri’ nab’e q’ij marzo xb’an jun nimriqb’al ib’ kumal ri wokajilal pa le Salón Mayor rech ri Ministerio de Gobernación (Mingob), zona 1 uk’u’x nimatinamit.
Eri riqb’al ib’ are xk’am ub’e ub’anik rumal ri Tercera Viceministra rech Q’atenik ri B’anoj K’ax , Mayda Alejandra De León Wantland ri’, ruk’ ri Secretaria Ejecutiva rech ri Secretaría rech Q’atenik ri Violencia Sexual, Explotación xuquje’ ri Ch’ijom K’ax B’anoj chi kech Winaq (SVET), Danissa Ramírez, are jun xk’oji ri’ ri Subdirector General rech ri Q’ateb’al ri B’anoj K’ax rech ri Wokaj Chajin Tinamit (PNC), Pablo Rodríguez, ri Subsecretaria Ejecutiva rech ri SVET, Mónica Mazariegos, xuquje’ ri Coordinador rech ri Unidad rech ri Prevención Comunitaria rech ri K’ax (UPCV), Nicolás Reanda ri’.
Eri Viceministra De León sib’alaj xuya ub’ixik ri upatanib’al ri kemonchak kumal ri wokajilal pa uq’atexik ri b’anoj k’ax violencia sexual ri’ xuquje’ ri ch’ijom k’ax chak ri’.
xuquje’ ub’ixik ri kemon chak ruk’ ri SVET rech uk’ulik ri q’ijol rech Kanimaq’ij ri Ixoqib’, rech kaya wi ub’ixik utzijol ri loq’ taqkilem kakib’ano konojel ri ixoqib’ pa tinamit xuquje’ ri utzil chakum chk rech pa pa le kato’ik pa taq ri junab’ ri’ ok’owinaq.
Xuquje’ eri De León xub’ij che tajin uchakuxik ruk’ ri SVET uch’ob’ik ub’anik ri ya’ltzijol rech q’atenik ri k’ax pa le Awas Q’ij 2024, xuquje’ rech ya’ik ub’ixik uq’ij ri kitatb’enik ri winaqilal pa le chakunem ri’. “Rumal ri’ kinya ub’ixik pa tinamit winaqil rech chakib’ij b’a uloq ri k’ax kakilo kakik’ulmaj ri’ pa le 110 rech ri PNC”, xcha’.
Pa le nimriqb’al ib’ xb’an wi uk’utik uwach ri upatanib’al ri kemonchak kuk’ ri taqawokajilal pa tinamit rech uq’atexik ri b’anoj k’ax ri’ pa ronojel ri rulewal tinamit, ruk’ wa’ rech kab’an utzijolixik ri jikom uwach tajin rumal ri K’amal B’e Amaq’ Bernardo Arévalo xuquje’ rumal ri Ukab’ K’amal B’e Amaq’ Karin Herrera pa le kato’ik kachajixik ri winaqilal pa tinamit.