E lajuj reqa’lenel ri Wokaj Chajin tinamit (PNC) xecha’ik rech keb’e pa le Misión Especial rech Verificación rech ri Naciones Unidas pa Colombia, rech keb’e jun junab’ pa le kemon tob’anik kuk’ ri wokaj chajin tinamit rech nik’aj chik nimatinamit e apanoq.
Eri K’amal B’e rech ri PNC, David Custodio Boteo, xuya ub’ixik ri upatanib’al ri chak kakib’an ri e ajchajil tinamit pa le b’anoj loq’ chajinem ketaq wiri’. Xuquje’ xuya ub’ixik are la’ rech ketob’anik pa ya’ik uchuq’ab’ ri tob’anem kuk’ ri wokaj chajin tinamit pa taq nimatinamit xuquje’ xub’ij chi k’o nim upatanib’al ri wokaj chajin tinamit ri’ pa le b’anoj jikom chajinem kub’alil pa taq ri nimatinamit.
Eri puq ajchajinel xetaq ri’ are kuwach keb’ subcomisarios, waqib’ oficiales tercero kuk’ keb’ eqa’lenel, ri nab’e xetaq ri’ pa le b’anoj chajinem rech Observadores Policiales pa rulewal tinamit colombiano, ri xkik’is katijoxik b’i pa le Nab’e Tijonem rech Keb’e pa le Nab’e Puq ajchajinel ri keb’e pa le Misión rech Verificación rech ri Naciones Unidas pa Colombia ri’.
Eri wokaj chajin tinamit pa le 26 q’ij xetijox kumal ri reqa’lenel ri Wokaj Ajchajil Amaq’ Iximulew xuquje’ kumal rech nik’aj chik nimatinamit pa le Comando Regional rech Entrenamiento rech Operaciones rech Mantenimiento rech Paz (Creompaz), pa Cobán, Alta Verapaz ri’.
K’o nim upatanib’al eri reqa’lenel ri PNC e are jun pa le puqchajinem rech joremal rumal ri Organización rech ri Naciones Unidas (ONU) ri’. Xkib’an puqchajinem jacha b’anom pa Haití xuquje’ pa República Democrática del Congo, chi’ xkikub’isaj ub’anik ri chakunem ruk’ ri joremal chajinem ri’.