Pa k’isb’al wuqq’ij ri’, eri reqa’lenel ri comisarías xuquje’ ri chakuja rech ri Wokaj Chajin Tinamit (PNC) xkichap e k’i chi uwinaqil e ajb’anol k’ax, ri keqam k’aqb’al xuquje’ xuquje’ are chi’ kib’inisam kich’ich’ ri’.
Eri jun chi ke ri xechapik are ri’ a Cristian Aroldo Heinemann Aguirre, 33 ujunab’, ri kab’ixik are xukamisaj e oxib’ chi winaqib’ pa le zona 16 rech uk’u’x nimatinamit, are chi’ eri reqa’lenel ri comisaría 13 xkiriq jun k’aqb’al ruk’. Eri b’anoj k’ax ri’ are xk’ulmatajik are chi’ xuk’i jun conciertos rumal jun ajb’ixonel upetik pa jun chik nimatinamit.
Pa le zona 7 rech uk’u’x nimatinamit xchap wi jun achi ub’i’ a Mario Fernando Alvarado Pol, 25 ujunab’, are chi’ b¿enaq chi rij jun kejach’ch’ eri utaretal ri’ M 832FKG, ri xk’am b’i pa le Departamento rech Tránsito rech ri PNC rumal maj uwujil ri ch’ich’ reqam, xuquje’ xchapik a José Steve Cruz Reyes, 20 ujunab’.
Eri keb’ winaq xechapik kab’ixik e are xkikamisaj jun taxista pa le 23 rech febrero, pa le la 6ª avenida xuquje’ 3ª colonia La Reformita, zona 12 ri’. Eri nik’aj winaq ri’ xechap kumal ri Departamento rech Kuq’atij Kikamisaxik Winaq, rech ri División Especializada rech Investigación Criminal, DEIC ri’.
Eri reqa’lenel ri Subdirección General rech Operaciones (SGO) pa le 9a. avenida final, zona 1 rech Chiquimula, a Luis Elvidio Contreras López, 43 ujunab’ xuquje’ a Maynor Amílcar Contreras López 2 ujunab’, kab’ixik rumal xub’an kamisanik ri’.
Pa le 9a. calle chi uxo’l 4a. ruk’ 5a. avenidas, barrio Las Champas, Puerto Barrios, Izabal, xchap wi uloq a Meauler Rivaldo Posadas Flores, 24 ujunab’, ri kab’ixik reqam jun k’aqb’al, jun cargador xuquje’ ruk’ 23 ub’aq’ k’aqb’alil ri maj uwujil reqam tane’.