Pa le uq’ijol ri juk’al jo’ob’ (25) ujunab’ xutz’aqatisaj ri Wokajil Ajchajil Tinamit (PNC), xb’an jun Qojomanem pa le Nimaja ub’i’ Gran Sala Efraín Recinos rech ri Centro Cultural Miguel Ángel Asturias ri’. Eri qojomanem ri’ are la’ xk’am ub’e ub’anik rumal ri ministro rech Gobernación, David Napoleón Barrientos, xuquje’ xe’achb’ilaxik kumal ri viceministros, rumal ri k’amal b’e rech ri PNC, Héctor Hernández xuquje’ ri taqanelab’ rech ri wokajil ajchajil tinamit ri’.
Jeri’, xe’opan rajtaqonel ri amaq’il e tob’anel ri’ kuk’ nik’aj chik e sik’im ri’.
Eri taqawokajnel rech ri ya’olchajinem pa Amaq’ xub’ij che ruk’ we q’ojomanem ri’ xmajtaj ri ilb’anem rech uq’ijo ri juk’al jo’ob’ (25) ujunab’ kutz’aqatisaj ri PNC. “Eri wokajil ajchajil tinamit ri’ k’o k’i k’axk’onem xkik’aslemaj ri’ pa le ya’olchajinem winaqil. Eri wokajil ajchajil tinamit xumaj uwach jun nimatijonem che ri kaya ub’ixik pa le jo’lajuj q’ij rech julio petinaq ri’”.
Eri PNC are xk’utun loq pa 1997 ri’ pa le decreto 11-97 rech ri Congreso rech ri Amaq’il, are uwach ri Nuk’chomanik rech chi kuwach ri Winaq Tinamit xuquje’ rech Ukojik ri Wokaj Ajchajil Amaq’ pa nimatinamit ri’, rech are chi’ xutun uwach ri Guardia de Hacienda ruk’ ri Wokajil Ajchajil tinamit rech ojer kanoq.
Pa le q’ojomanem ri’ xek’oji ri Danza Folclórica rech ri puq ak’alab’ rech Cobán, e achb’ilam rumal ri q’ojom ub’i’ Marimba Kaibil Balam.
Xuquje’ e are jun xek’oji ri puq e ajq’ojomanelab’ rech Escuintla, Amatitlán, Villa Nueva, ri Alas Chapinas xuquje’ rech ri Cuerpo rech Ingenieros rech ri Wokaj Ajchajil Amaq’.