Xechapataj nik’aj elaq’omab’ pa Escuintla ri’

Rumal ri’ aninaqil xe’opan ri’ ri reqa’lenel ri comisaría 31 rech ri Wokajil Ajchajil Tinamit (PNC)  e k’o keb’ e elaq’omab’ xkichapo pa le colonia La Libertad, San José, Escuintla ri’.

Eri xechapatajik e are ri’ a Ever Alexander, 20 ujunab’, alias “El Guajo” ri’ xuquje’ a Marvin Josué Ramírez Muñoz, 24 ujunab’, kab’ixik xriqitaj jun k’aqb’alil, jun k’aqb’al wos xuquje’ jun ch’aweb’al kuk’, are ri’ k’a te xkeleq’aj chi re jun ajkejach’ich’ ri’.

Pa le puqchajinem ri’ xuquje’ xechapatajik keb’ chik e are ri’ a José Ramiro Solórzano Gonzáles, 18 ujunab’ xuquje’ al Dora Alicia Muñoz Coc, 37 ujunab’ ri’, kab’ixik xkaj xkiq’atej kuwach e ajchajil tinamit rech xkichap nik’aj elaq’omab’.

Eri wokaj ajchajil tinamit are chi’ xkilo kitzijol winaqib’ ri’ xq’alajinik che jun a Ever Alexander k’o jun umaj ub’anom ri’ rumal reqaxik jun k’aqb’alil maj pa usaqil ri’, pa le  15 rech mayo rech pa junab’ kanoq.

En k’u ri’ a Marvin Josué ri’ k’o jun umak ub’anim ri’ are chi’ xreleq’aj jun ch’aweb’al ri’, pa el 30 rech julio rech ri 2017 ri’.

Ultimas noticias

Alerta de Corrupción