Eri Dirección General rech ri Sistema Penitenciario (DGSP) kariqitaj pa le Feria Paseo Artesanal ri xwok uwach rumal ri Secretaría rech Obras Sociales rech ri Esposa rech ri Presidente (SOSEP) ri’, ketajin che k’ayin ri jastaq b’anom kumal ixoqib’ rech ruk’ wa’ kakiwa’lijsaj kib’ rech kakitzuqu kib’ kuk’ ri kachalal ri’. Eri k’ayinem ri’ are la’ xb’antaj pa le kajib’ pa le waqib’ q’ij rech noviembre pa le Parque Enrique Gómez Carrillo k’o pa le 6ª avenida chi uxo’l 14 xuquje’ 15 calles rech ri zona 1 pa nimatinamit.
Eri Subdirección rech Rehabilitación Social rech ri Sistema Penitenciario ri’ tajin kuwa’lijsaj uk’ayixik ri jastaq chakum kumal ri ixoqib’ e tz’apil pache’ ri’, are uwach ri suk’ub’anem tajin chi ke xuquje’ rech utz chi ke are chi’ ketzalij pa kachoch ri’. Eri uwach jastaq, k’o etz’ab’a’l rech atz’iyaq, chachal, kunb’al rech kab’an achib’al, chakach xuquje’ k’olib’al kachiyix ri’, ruk’ nik’aj chik kakiriq ri winaqilal ri’ rech kakiloq’ ri’.
Xuquje’ xek’ayin chi’ eri puq ixoqib’ e chakul rech ri jastaq ri’ kib’i’ le Manos Mágicas, le Ammya, le Kawoq, le Ixoqib’ rech San Francisco, le Vida con Propósito ri’, le Corazón de Fuego ri’, le Mujeres las 3 Marías rech ri aldea Nuevo Palmar ri’, le Brisas de Itza ri’, le Artesanas rech San Benito ri’, le Pequeña Comunidad ri’, le Flores rech Chixot ri’, Le Palmas ri’, le Alimentos rech ri Quetzalteco ri’, le Tienda Mayakat ri’, La Esperancita ri’, le Productos Mary ri’, le Amed ri’, le Luz rech Vida rech Chomina ri’, le Ixoqib’ rech Manglares, le Artesanas con Visión II ri’, La Joya Grande ri’, le Cooperativa Tzi’kin ri’.
Eri puqil ri’ e k’o pa reqele’nib’al ri Programa rech Mejoramiento rech ri Condiciones Socioeconómicas kech ri Ixoqib’, xetijox k’ut, xuquje’ xeno’jaxik xetijoxik rech xkich’ob’o kakib’an ri k’ayin utz je’l jastaq ri’.
Rumal ri’ eri ixoqib’ pa qatinamit tajin kakimol kib’ pa taq kik’olib’al e jaqal wiri’, rech kakita jun nim ilonem tijonik chi ke, xcha’ ri Secretaria rech SOSEP, Sara Eugenia López Gálvez ri’.
B’anob’al taq riqoj k’amoj ib’
Eri e b’anol k’ayij pa le Feria Paseo Artesanal ri’ sib’alaj xki’kotirsax kanima’ rumal ri uq’ojomanik le Q’ojom Kaib’il B’alam rech ri Wokajil Ajchajil Tinamit ri’. Eri e ajq’ojomanelab’ xkiq’ojomaj je’lalaj taq b’ix ri jun ri’ are ub’i’ Jugo de piña, Noche de luna en las ruinas ri’, Las chancletas rech Nayo Capero ri’, Maricumbia xuquje’ le Ferrocarril de los altos ri’, ruk’ nik’aj chik.
We ri b’anoj q’ojomanem ri’ are la’ ke’umol winaq rech keloq’owik xuquje’ rech k’o ri keka’y wiri’ ri winaqil pa jikomal ki’kotem xuquje’ rech sib’alaj utz kakina’o kakita’o ri je’alalaj q’ojom keq’ojomisax ri’.