Eri K’amal b’e Amaq’ sib’alaj xutzijoj che qas xtanab’ pa jun 34% ri b’anoj k’ax pa le jok’al q’ij uchak patan chik

 

“Aretaq xk’is jok’al q’ij uchak upatan chik ri taqawokaj pa amaq’ ri’, chi ke ri’ k’o 51 q’ij ukojom pa che ri Uq’atexik ri K’axk’onem pa Amaq’ ri’, sib’alaj xqaj b’a’ uchuq’ab’ pa jun 34% ri’” xcha’ ri K’amal b’e Amaq’ Alejandro Giammattei Fala.
Pane’ b’a’ k’o chomam chik k’i uwach chak b’anom ri’ rech kaya’ utzijoxik chi ke ri tinamit rumal ri Taqawokaj pa Amaq’, eri pa aninaqil uq’atexik ri COVID – 19 katajinik are wa’ xuq’atij ub’anik pa juntir le chak patan che chomam ri’ kab’anik, pane’ b’a’ jewa’ ub’anom ri’ k’o utz taq chakunik xb’antaj kowinem ruk’ xb’anik pa taq le nab’e q’ij rech ri jok’al q’ijol chak patan pa we amaq’.

Chi ke ri qas xchakuxik ri’ are wa’ xuya’ pa utzijolil rumal ri K’amal b’e Amaq’ ri’, “Eri b’anoj k’ax ri’ are qas xqaj uchuq’ab’il xuquje’ are rumal k’o ko ya’olchajinik ri’, rumal ri’ xqaj uchuq’ab’ ri b’anoj taq k’ax ri’”.

Xub’ij chik eri Taqanik rech Unab’ejsaxik Q’atenik b’anoj k’ax ri’ are wa’ xuk’utu che tzij b’a’ eri wokajil ajchajil tinamit kuk’ ri winaqil pa junamil b’a’ ketajin che uq’atexik ri’, ruk’ wa’ k’o nim taq patan kab’antaj ri’ xuquje’ are wa’ kaqilo ruk’ ri utzalaj ya’olchajinik katajin ri’.

“We kamik kojtajin che uchakuxik we jun wokajil patan ri’ xuquje’ are kaqeye’j na rech kaqapatanij kanimaxik ri winaq tinamit ri’ k’a kak’is k’ut le uq’ij qachak patan rech k’o utz chakunem kab’an ri’”, xcha’ ri Giammattei Falla.

Noticias Recientes