Eri k’amal b’e rech ri Wokajil Japache’ k’o k’ak’ kichakub’al kuya’ chi ke ri e ajchajinel ri’

 

Eri Luis Rodolfo Escobar Ovalle, are xkoj che k’ak’ reqale’n rumal ri Ministerio rech Gobernaciòn, Edgar Godoy rech xok che Nimk’amol b’e rech ri Wokajil Japache’ Tz’apib’al ri’.

Eri Escobar ri’, chi ke ri ucholchak kub’an ri’ are k’o k’ak’ kichakub’al ri e ajchajinel pa japache’ ri’ kuya’ na ri’.

“Kuya’ na ri’ k’ak’ kichakub’al ri e ajchajinelri’, rumal k’ut q’aya’l chik ri ketajin che ukojik ri’ rumal ri’ rajawaxik kak’ex ri kichakub’alil ri’ che ri are kakikoj pa taq ronojel q’ij ri’, jeri kak’ex le ch’ich’ rech k’ak’ chik le kakib’inisaj ri’”, xcha’ ri Escobar Ovalle.

Pa le ya’el uchuq’ab’ ri kichak ri eqa’lenel ri’, eri K’amal b’e rech ri SP, xub’ij che ri kuya’ jun nim tob’anik chi ke rech eri e ajchajinel ri’ rech keb’e b’a’ pa nimatijob’al pa taq k’isb’al wuqq’ij ri’.

Eri Escobar ri’ are es licenciado rech Ciencias Criminológicas xuquje’ Criminalísticas, resam pa le Universidad Mariano Gálvez. Xuquje’ k’o nik’aj uwuj xutijoj rib’ resam chi rij Ya’talil Winaqil xuquje’ Gestiòn Penitenciaria, jeri chi rij Derechos Humanos xuquje’ Trata de Personas, are wari’ tob’am uwach ub’antajil rumal COPREDEH, rumal ri Tijob’al rech Estudios Penitenciarios xuquje’ rumal ri  Universidad rech San Carlos rech Iximulew.

Xk’oji che patanel pa le Nimwokajil rech ri cuerpo de paz rech ri Naciones Unidas, ajq’axel tzij ub’ixik pa inglés chab’alil pa le ub’antajil rech Logìstica Militar pa Misiòn de Paz, pa le República Democrática rech ri Congo pa África ri’.

Chawilampe’ chi’ Uwuj rech Uk’aslemam ri are

Alerta de Corrupción

Ultimas noticias