Eri Urox Viceministerio rech Q’atenik B’anoj K’ax katajin pa wokb’anik jun ya’ltzijol rech ub’ixik chi ke ri winaqil e aj iximulew rech kakinimaj ri taqom ub’ixik pa le Decretos Gubernativos rech pa le uq’atexik ri jun k’ax yab’il Coronavirus COVID 19 pa we amaq’.
Eri Ya’ltzijol ub’i’ Chatel kanoq pa Awochoch are katajin unimaxik ukojik kumal ri Unidad rech ri Prevenciòn Comunitaria (UPCV), eri e are ri’ kakib’ij chi ke ri winaqil rech kekanaj pa taq kachoch xuquje’ rumal ri Subdirecciòn General rech Q’atenik b’anoj k’ax ri’ rech ri Wokajil Ajchajil Tinamit (PNC) ri pa puqilem keb’in che ub’ixik chi ke ri winaq pa tinamit.
Eri Urox Viceministra Claudia Dìaz, xub’ij che k’o k’i komon ub’ixik kakib’ano pa le q’atenik b’anoj k’ax ri’, rumal k’u ri’ eri Ministro rech Gobernaciòn e k’o pa le jun nim upataniixik pa we amaq’ ri’.
“Eri kaqaj keqatzuj ub’ixik chi ke ri winaqil che are k’o nim upatan ri q’atenik ri’, rech kekanaj b’a’ pa taq kachoch xuquje’ rech chakinimaj b’a’ ri taqom ub’ixik ri’ rech majun winaq xaq tane’ kub’an ki’kotem ri’ xuquje’ rech rech chakisaqab’isaj b’a’ kib’ jacha’ ri xtaq ub’ixik chi ke rumal ri Ministerio rech Salud”, xcha’.
Ruk’ le ub’anik wa’ are taqim uya’ik ub’ixik chi ke ri winaqil che ri keraqataj pa taq tinamit pa we amaq’ ri’.