Pa 28 xuquje’ pa 29 rech marzo, xb’an ri Seminario Gestión rech K’aqb’alil pa le Q’atenik ri b’anoj k’ax ruk’ taq k’aqb’alil, pa le Comando Superior rech Tijonem chi ke ri Wokaj Ajchajil Amaq’ Iximulew, pa le Brigada Militar Mariscal Zavala, zona 17 rech uk’u’x nimatinamit, chi ke e ajno’jchak rech ri jalajoj taq eta’mab’alil, kumal ri upatanel taq tinamit kuk’ ri taqanel ri wokajil rech chajinem ri’.
Pa le riqb’alil xk’oji ri Tercer Viceministro rech Gobernación, ri Gerente rech Programa rech The HALO Trust rech Centroamérica, Juan Henao; ri Comandante rech ri Comando rech Tijonem chi ke ri Wokajil Ajchajil Amaq’ Iximulew xuquje’ ri taqanel rech ri Embajada rech Estados Unidos, Maida Muslic-Kovar ri’.
Eri k’uttijonem are rech kab’an uya’ik ub’ixik ri jalajoj uwach taq eta’mab’alil xuquje’ ri no’jk’aslemal uwach pa qatinamit xuquje’ ri rech pa uwachulew, rech pa komon kach’ob’ik ri ub’anob’alil ri q’atenik ri k’ax ruk’ taq k’aqb’alil.
“Eri chajinem ri’ are qachak qonojel xuquje’ rech kaqato’o qib’ che ub’anik xuquje’ rech pa le kano’ajixik ri tinamit rech utz ukojik ri k’aqb’al ri’, ruk’ wa’ kek’oji ta chik jawinaqil ri tz’aqat ta kuwach xuquje’ ak’alab’ maj kitat nan ri’”, xcha’ ri viceministro Ajq’atenel k’ax rech Gobernación ri’.
Ri tob’anem
Eri taqanelab’ rehc ri Embajada rech Estados Unidos pa Iximulew, Muslic-Kovar, xuya ub’ixik ri tob’anem ya’om k’a pa le 2016 pa le 2022 ri ya’om chi ke ri tinamit rech ri Triángulo Norte, are chi’ xsachik US $5 millones rech uq’atexik ri k’aqb’al kakoj pa taq b’anoj k’ax ri’.
Uwach chomanem
· B’anoj k’ax ruk’ k’aqb’alil xuquje’ ri k’ayin awan k’aqb’alil pa taq ri tinamit.
· Ri taqanatzij rech k’aqb’alil
· Uk’exik taqanatzij rech k’aqb’alil ruk’ ri kupatanij pa le chajiin winaqil.
· Ucholajil ri taqanik pa taq ri tinamit rech k’aqb’al, ub’aq’ k’aqb’al xuquje’ poq’sab’al.
· Taqanik rech ukojik ri nitz’ k’aqb’al, ub’aq’ k’aqb’al xuquje’ ri poq’sab’al.
· Ri ch’ich’ rech ub’aq’ k’aqb’alil.
Xuquje’ are tajin uchomaxik rech kaq’atexik ri k’ayin awan k’aqb’al xuquje’ ri kachupisax uwach ri k’aqb’al riqom xuquje’ ri e q’aya’l, ruk’ nik’aj chik uchomaxik.
Eri The HALO Trust k’o ucholchak patan pa le rulewal centroamericana; pa Iximulew ri kuchakuj ruk’ taq ri wokajil ajchajinem xuquje’ ri katob’anik pa le uchupisaxik uwach ri k’aqb’al, ub’aq’ k’aqb’al ri q’aya’l chik xuquje’ ri riqom.