Eri taqanel rech ri Departamento rech Tránsito (DT) rech ri Wokajil Ajchajil Tinamit (PNC), ruk’ ri taqanel ri SIVA rech SIVA autopista Palín-Escuintla xuquje’ rech ri Dirección General rech Protección xuquje’ Seguridad Vial (Provial) ri’, xkiya utzijol pa saqarib’al kamik pa jun nimriqb’alil rech tzijolinem ri Cholchak rech Seguridad Vial pa Awas Q’ij 2023 ri’.
Eri utaqim ri cholchak ri’ are pa komon ub’anik ri chajinem tzukunik kab’an pa wokajilal rech q’atenik ri riqoj k’ax kumal ch’ich’ pa taq nimab’e xuquje’ rech jachom uwach keb’in ri ch’ich’ pa taq nimab’e pa qatinamit. kab’antaj kowonem ri’ rech pa kub’sib’al k’u’x kewa’kat ri winaqil pa qatinamit xuquje’ ri naj kapetik rech ke’opan pa taq ri k’olib’al wa’kateb’al k’o pa Iximulew, xcha’ ri Taqanel rech Tránsito.
Xub’ij chik pa le jalajoj uwach taq nimab’e k’o chajinem kab’an ri’ rech kakinimaj Tzij ri e ajb’anol b’inisal ch’ich’ jacha ri kutaq ub’ixik ri tránsito, jeri’ k’o k’olib’al ya’ltzijol q’alanem pixab’nik kab’an pa taq nimab’e are maja’ na ri Awas Q’ij, are kab’anik pa le 15 rech marzo k’a pa le 15 rech mayo ri’.
Eri taqanel rech ri DTI xub’ij pa le chajinem ri’ kek’oji 238 chi ajchajinel ri tránsito, 72 chi ajchakunelab’ rech chakuja, 10 chi autopatrullas, 47 chi kejach’ich’ xuquje’ rajchajinel taq q’atb’al Tzij rech tránsito pa rulewal amaq’il qatinamit ri kek’oji pa taq k’olib’al chajinem pa taq nimab’e kab’e pa le Pacífico ri’, pa Interamericana ri’. Pa le Salvador xuquje’ pa Jacob’o Arbenz Guzmán ri’.
Pa le ya’ltzijol rech q’alenik k’ax, eri patanel xub’ij che are la’ kaya utzijol ub’ixik pa le q’axeb’al Tzijolinem ri’, pa kaxlan Tzij xuquje’ pa maya’ Tzij ri’. Eri ub’ixik ri’ are rech kataqixik rech katzijox chi ke ri e ajb’inisal ch’ich’ rech kakinimaj Tzij kakirumumij ta kib’, rech k’ot kakititz’o pa le kich’ich’, rech man k’ot kakib’an rilik uto’ik are chi’ kib’inisam kich’ich’ xuquje’ rech k’ot tzam kakitijo ruk’ awan kunab’al.