Eri q’atb’altzij rech ri Instituto Guatemalteco rech Migración xkiya’ utzijol loq che pa junab’ 2019 k’o ri’ 564 mil 660 chi wujq’axib’al xuya’ pa Iximulew ri’, rech pa Estados Unidos rech Norte América xuquje’ pa juntir uwachulew, chi’ k’u ri’ eri taqawokaj jachakunb’al ri’ k’o jun mil xuya’ pa ronojel taq q’ij chi ke ri’ij winaq, chi ke ak’alab’, chi ke q’apojil, chi ke ri’j winaq xuquje’ chi ke e patanelab’ ri’.
Pa Iximulew ri’ xya’tajik 307 mil 104 chi wujilal rech nimatinamit naj, pa Estados Unidos rech Norteamérica are wa’ xkita ri winaq ri’ pa 252 mil 995 xuquje’ pa ronojel uwachulew ri’ k’o ri’ pa 4 mil 561 chi wujq’axib’alil.
Eri rajilab’al chi taq ik’al are wa’ xkita ri winaqil pa mayo are 64 mil 654 ri’, e pa 2018 are chi’ k’o 16 mil 351 xya’taj ri’.
Eri q’atb’altzij rech wujq’axib’al xkiya’ loq ub’ixik are wa’ katajin uterenb’exik uya’ik pa ucholajil rech eri winaq kakita’o ri’ qas e are ke’esanik rech xaq ta kakisach pwaq pa resaxik loq.
Eri wujilal kata’ik rech pa resaxik are wari’: ri DPI ruk’ jun utz rachib’al, ruk’ uwuj rech xtojik $50 dólares pa Banrural ri’, eri tojonik are kab’an pa upwaqil aj iximulew, ruk’ ri wujq’axib’al kojom ri’ (rech kak’exik) wexa’ tane’ keleq’axik xuquje’ wexa’ xsach kanoq.
Eri wujil kata chi ke ak’alab’ ri: eri kitat nan rajawaxik e are jun chi’, kuwuj rech kalaxib’al ok’owinaq ta waqib’ ik’ resam (eri kib’i’kitat nan rajawaxik jacha’ ri k’o pa kuwuj rech kalaxib’al jacha’ ri k’o pa le DPI), kuwuj DPI ruk’ rachib’al rech kitat nan, rachib’al ri wuj rech tojb’al ub’i’ ornato rech jun chi ke ri tat nan, ri uwuj rech tojb’al $50 dólares rech tojom pa agencias Banrural pa ub’i’ ri alaj ak’al, ri uwujq’axib’al ukojom ri’ (rech kak’exik) ri wuj rech pa q’atb’altzij wexa’ tane’ eleq’am xuquje’ wexa’ tane’ sacham kanoq.
E resaxik ri’ are lunes pa viernes rech pa waqib’ kajb’al pa uwuqlajuj kajb’al ri’ pa le rachoch Resaxik ri Wujq’axib’al pa zona 4 rech pa nimatinamit ri’.