Eri q’atb’altzij rech ri Ministerio rech Gobernación (Mingob) xuya’ utzijol pa le diario oficial, ri acuerdo ministerial 23-2020 chi rij kasik’ixik e ajtijoxel rech ke’ok b’a’ pa le Retal Tijob’enik rech Ketijox che Eqa’lenel rech Ajchajil Tinamit ri’. Eri wujil chinaq kakaj are kak’am pa le tijob’al ub’i’ Escuela rech Formación rech Oficiales rech Ajchajinelab’ k’o pa le zona 6 ri’.
Eri retal tijob’enik ri’ are kanajtib’ waqib’ ik’ man kok’ow ta uwi rech kub’an lajuj uwach ri’, chi’ k’u ri’e ri e ajtijoxel are rajawaxik ke’il rumal ajkun we utz kuwach, we utz kab’aqil kakik’el, are rajawaxik kilik jas ri kekowin che uch’ob’ik ri’, chi’ kakik’utu ub’anikil kipwaq kimeb’il, jawchi’ e chakuninaq wi xuquje’ ke’ok’owisax pa etab’anik rech kilik we e k’ulb’al k’u’x ri’.
Eri rajawaxik kakinimaj uwach ri’: E aj iximulew, k’o 18 pa 30 kijunab’, k’o kuwujil rech kak’isom katijoxik kib’, man k’ot b’anoj k’ax kib’anom tane’ xuquje’ kuwuj rech man b’anoj k’ax ub’i’ penales xuquje’ policiales, xuquje’ k’o pa retal kaqan, man k’ot jumul xek’oji che ajchajil tinamit, eri ixoqib’ man e okinaq taj e yowab’, rumal k’ut rech kakiraq ta k’ax xuquje’ rumal eri tijob’enik ri’ are karaj nim tijowchuq’ab’, rech kakich’ako ri tijob’enik.
Pa le b’anoj tijonem ri’ are xya’taj ub’ixik che are kaya’ uchuq’ab’ reta’maxik ri rech Alerta Isabel Claudina, ri Ilonem chi ke ak’alab’, rech ri retamab’alil Migración ri’, rech Trata chi ke winaqib’ xuquje’ e q’apojil ri’. Eri ya’el pa uq’ijol ri etab’anik rech no’jchakub’alil are wa’ qas kakoj pa le tijb’enik chi ke ri e k’ak’ taq PNC ri’.
Eri q’atb’altzij rech ri Subdirección General rech Estudios xuquje’ Doctrina rech ri PNC xkiya’ utzijol che k’o ri’ e 15 mil chi e ajtijoxel chi ke ri’ xaq xu’ wiri’ oxib’ mil chi winaqil ke’ok ri’ pa le k’ak’ tijob’enik chi ke ajtijoxel rech ke’ok che ajchajil tinamit.
E are k’ut aretaq kak’is ri tijob’enik chi ke rech ke’ok che oficiales rech PNC, ya’tal chi ke ri’ rech kakimaj chi b’i jun tijob’enik rech oxib’ ik’ uwi ri’.
Konojel k’ut che ri kakaj ke’oj che e ajtijoxel ri’ are kepe pa taq Jutiapa, pa San Marcos xuquje’ pa taq Chinab’jul. We kamik, eri PNC e k’o 42 mil chi eqa’lenelab’ pa konojel pa we amaq’ ri’.