Sib’alaj katajin q’atenik b’anoj taq k’ax ri’, rumal are ri’ xutaq ub’anik ri k’amal b’e ri qatinamit, Alejandro Giammattei xuquje’ ri ministro rech Gobernación, David Napoleón Barrientos, sib’alaj tajin ri ya’olchajinem winaqil pa taq le wokja rech pa uk’u’x nimatinamit, pa uq’ab’ taq tinamit chi rij apanoq xuquje’ pa juntir rulewal amaq’il qatinamit ri’.
“Eri b’anoj ya’olchajinem xuquje’ ri q’alanik winaqilal are la’ sib’alaj katajin pa uq’ab’ taq tinamit rech Iximulew, pa Villa Nueva xuquje’ pa Mixco ri’, jeri’ pa rulewal tinamit rech Escuintla xuquje’ pa Santa Rosa ri’, pa le k’isb’al ri’, chi’ tajin keq’atex wi ri pandilleros kapetik El Salvador ri’ rumal kakaj kakiwajo kib’ chi’”, xcha’ ri ministro Barrientos.
Pa le b’anoj ya’olchajinem tzukunik ri’, sib’alaj ketajin wi ri jalajoj kuwach taq reqa’lenel ri Wokajil Ajchajil Tinamit (PNC) ri’ xkib’an wi ri puqchajinem tzukunik rech uch’ob’ik kuwach ri winaqil e ajb’anol k’ax ri’, xuquje’ rech kaq’atexik ri b’anoj k’ax kumal ri’.
Eri Q’atol tzij rech ri ya’olchajinem pa Amaq’ xub’ij: “Are k’o nim upatanib’al kab’an ri komon chakunem kuk’ ri q’atb’al tzij rech taq tinamit xuquje’ kuk’ nik’aj chik wokajilal ri’, ri kakichakuj wari’ rech pa komon b’a’ kakipatanij ub’anik, rech kaq’atataj ri b’anoj k’ax pa qatinamit Iximulewal”.