Pa le parque Enrique Gómez Carillo, eri ministro rech Gobernación, David Napoleón Barrientos, ri viceministros, ri k’amol ub’e ajchajin tinamit xuquje’ ri rajchak ri Ministerio rech Gobernación ri’ (Mingob), we q’ij kamik 13 rech septiembre ri’ xtz’aqat 201 ujunab’ Utuke’lem rib’ ri nimatinamit Iximulew.
“Sib’alaj qastzij k’ut pa utzilem kaqab’an ri unimaqi we Amaq’ ri’, rech utz uwokik uwach ri nimatinamit ri’, eri uj ri’ qab’anom ko che uwach ri nimatinamit ri’, ri uj sak’aj ajchakunel ri’”, xcha’ ri taqawokajnem rech ri ya’olchajinem pa we Amaq’.
Xub’ij chik, che pa Iximulew ri’ ya’tal ri’ rech kab’an jun utz uwokik b’anoj junam jikom q’atoj tzij taqanik ri’, are ri’ jun echenem xkiya loq ri qati’t qamam ri’ ri are la’ katerne’x ub’anik kumal ri winaqilal ri’.
“Eri wokaj ajchakunel ri’ e utz taq winaq xuquje’ e sak’aj kechakunik, rumal ri’ are la’ rajwaxik katerne’j ub’anik. Are rajwaxik b’a’ kak’am uq’ab’il che pa 201 ujunab’ utuke’lem rib’ we Amaq’ ri k’ak’extaj na uwach. Rajwaxik b’a’ kaqesaj ri itzelal rech kujk’iy ri’. Eri uj aj jun nim Ministerio ri’ xuquje’ jun nimatinamit”, xcha’ ri taqawokajnel ri’.
Ri q’ojomanem tzilinche’, xtzij ri q’aq’ xuquje’ xya ch’akob’al
Pa le b’anonem uq’ij ri Amaq’, eri ajchoman rech sib’alaj xkika’yej ri q’ojomanem tz’ilinche’ xb’an kumal ri Cuerpo rech Ingenieros, kumal ri Alas Chapinas, kumal ri Alma rech ri Regimiento xuquje’ ri Kaibil Balam ri’.
Pa le b’anonem nimaq’ij ri’, eri q’atb’al tzij ri taqawokajnemalil xkijach ch’akob’al chi ke jo’ob’ cha’konelab’ pa le etab’anem rech ub’anik uwach retalil Amaq’il 2022. Eri uro’ uwach retal Amaq’ are xuch’ak’ ri Subdirección General rech Apoyo xuquje’ Logística ri’, ri ukaj are xucha’ ri Jardín Infantil rech ri Wokajil Ajchajil Tinamit (PNC), ri urox are xuch’ak ri Sistema Penitenciario, ri ukab’ are xuch’ak ri Dirección General rech Servicios rech Seguridad Privada (Digessp) xuquje’ eri nab’e xuch’ak ri Unidad rech Asuntos Internos (UAI).
Pa we q’ij kamik xtzijik ri uq’aq’ Amaq’, eri tzuk’b’al q’aq’ ri’ xe’opan pa le jalajoj uq’ab’il ri Ministerio rech Gobernación ri’.