Eri ministro rech Gobernación, David Napoleón Barrientos, rachi’l ri viceministro rech Seguridad, Carlos Franco, ri k’amal b’e rech PNC, Héctor Hernández xuquje’ ri q’atb’al tzij rech Jalapa, ri xek’oji pa le ujaqik uchakunik ri cholchak rech kayakik ri rachoch ri Comisaría chi la’ k’ut rech ri Wokaj Ajchajil Tinamit (PNC) pa le uq’ab’ tinamit rech San Pedro Pinula, rech kub’an upatan che ri ya’olchajinem winaqil ri’.
Eri taqawokajnel rech ri ya’olchajinem pa Amaq’ xub’ij che ri yakon nimaja ri’ are nim upatanib’al ri’ rumal are kuk’am kuwach e wajxaqib’ chi kik’olib’alil ajchajil tinamit ri’, rech pa junamil keyak’ ri kachoch ri’; xuquje’ xub’ij che ri chak ri’ are la’ tajin ukamonxik ub’anik ri’ ri xtaq ub’anik rumal ri k’amal b’e amaq’ Alejandro Giammattei ri’.
“Are ri nab’e chi ke ri jalajoj uwach taq keyak ri’ pa le we junab’ xuquje’ pa majb’al rech ri 2023 ri’, rumal k’ut ri yab’ilem xub’an ri’ man b’anom ta ri’”, xcha’ ri ministro.
Xuquje’ xub’ij che ri nimaja k’olib’al ri’ are la’ kakoj kumal ri wokaj ajchajin tinamit rech utz b’a’ kek’oji wiri’ pa le b’anoj ya’olchajinem pa tinamit ri’.
“Eri chakunem ri’ are la’ tajin ub’anik ruk’ katob’anik ri q’atb’al tzij rech pa tinamit ri’, kumal ri komon winaqilal, xuquje’ rumal ri Patanelab’ Iximulew, xuquje’ are uwach jun nim upatanem ri’, rech utz b’a’ kek’oji wiri’ ri wokaj ajchajin tinamitW, xcha’ ri nim patanel.
Eri q’atb’al tzij rech ri ya’olchajinem pa Amaq’, xub’ij ri’ che ri jujun uwach achochib’al ri’ kapajan 695 etok’al pa ukajtzalajil uwach, rech ke’uq’i’o e 70 chi eqa’lenelab’ ri’ xuquje’ are rech kakoj ri’ pa k’isb’al rech 2022.