“Pa jun junab’ ri’, eri reqa’lenel ri Wokaj Ajchajil Tinamit (PNC) xuquje’ ri Ministerio Público (MP), xutzukuj kuwach jun molaj elaq’omab’ kib’i’ “Motoladrones ri’, rumal ri’ xb’antaj kowonem xechapataj loq e b’elejeb’ chi elaq’omab’ pa nimatinamit, xuquje’ kub’inaq ri’ e k’o nik’aj chik kechapataj na pa keb’ oxib’ q’ij ri’”, xcha’ ri ministro rech Gobernación, David Napoleón Barrientos.
Eri nik’aj elaq’omab’ k’a te xechapataj ri’ sib’alaj xetzukuxik xuquje’ are rumal eri winaqil sib’alaj xkib’ij loq rumal ri’ xch’ob’otajik che nik’aj elaq’omab’ ri’ tajin xkeleq’ax k’i taq ch’a’wib’alil, chi ke ri winaqil ri keb’in pa ch’ich’ pa taq le zonas 3, 4, 7, 9, 10, 11, 12 xuquje’ 13 rech pa nimatinamit Iximulew ri’.
Eri q’atb’al tzij ri’ xkiriq k’ut keb’ chi kejach’ich’ xuquje’ jun k’aqb’alil, ri xpis b’i rumal ri MP.
Eri ministro Barrientos, sib’alaj xub’ij chi ke ri winaqilal rech kakiterenb’ej loq ub’ixik kitzijol e ajb’anol k’ax, rumal k’ut eri ajchajinelab’ ketajin che tzukunem ya’olchajinik rumal ri’ e k’o chik kichapom loq ruk’ taq awan jastaq.