Eri reqa’lenel ri Wokaj Ajq’atenel Pandillas kib’i’ (DIPANDA) ri’ rech wi Wokajil Ajchajil Tinamit (PNC), xkichap keb’ chi ixoqib’ pa Mixco, Iximulew xuquje’ pa San Marcos ri’ kab’ixik rumal tajin xkitoq’ij pwaq chi ke e ajk’ayij chi la’ k’ut.
Rumal ri’ eri wokaj ajchajil tinamit xkichap jun ixoq ub’i’ Karla Rosibell Tomas Pineda 25 ujunab’ ri’, pa le 4ª. avenida 2-10 zona 0, San Vicente Pacaya, Escuintla, ri xtaq kichapik rumal ri q’atol tzij rech ri Q’ab’al tzij rech Mixco ri’, rumal xub’an toq’inik pwaq ri’.
Pa le colonia Olguita de León, rech Ayutla, San Marcos, eri reqa’lenel ri Dipanda, xkichap jun ixoq ub’i’ Mirna Marisol Dubón Palomeque, ri xriqitaj jun ch’a’wib’al ruk’ xuquje’ rumal ajtoq’il pwaq ri’.
Pa uterenb’exik utzukuxik ri jun kejach’ich’ xeleq’axik M-971FHN, marca Honda, modelo 2017, xriqitaj keb’ chi ch’a’wib’alil, nik’aj wuj rech tojom xb’antaj rech jalajoj taq wokaj, wujilal xuquje’ wuj rech k’asb’al pwaq, rumal ri’ we kamik xchapataj loq jun ixoq ub’i’
Gloria María Pérez Reyes, pa le lote 4, manzana C, sector 2, colonia Villa Hermosa 2, zona 7, San Miguel Petapa ri’, rumal ri’ xub’an poq’san pwaq maj pa usaqil ruk’ nik’aj chik jastaq ri’.