Eri Ministerio rech Gobernación, pa tzijolinem ri’, xuya’ ub’ixik chi rij ri k’ax xk’ulmataj pa Nahualá xuquje’ pa Santa Catarina Ixtahuacán ri’, jeri’ xuya’ utzijol ri’ pa Consejo kech Ministros che ri K’amal b’e Amaq’il Dr. Alejandro Giammattei, xukoj ri estado de sito pa taq ri tinamit ri’ rech uwq’atexik ri b’anoj k’ax ri’ xuquje’ rech k’o kechajix ri winaqilal chi’.
Are la’ uwach ri tzijol ub’ixik xuya’ ri Pablo Castillo ri’, Ajtzijolinel rech ri Taqawokajnem rech ri Ya’olchajinem pa Amaq’il, xub’ij k’ut che ri Ministerio rech Gobernación ri’, are xok che uq’ab’ tob’anik ri Ministerio rech ri Defensa ri’, ri kak’oji pa reqele’n we jun Estado de Sitio ri’, rech xetaq b’i e joq’o’ (dos mil) chi rajchajinelab’ ri PNC chi’, rech eri k’o nim keta’mab’alil sib’alaj kek’oji pa taq ya’olchajinem ri’, xuquje’ rech kakitzukuj juntir kuwach ri nik’aj winaq e ajb’anol k’ax che ri xkib’an kanoq ri b’anoj k’ax kaq’anik ri’.
Rumal ri’ we kamik xch’ob’otaj kuwach ri jun puq e ajb’anol k’ax keqam k’aqb’alil ri’ rech kakiq’atej kuwach ri q’atb’al tzij rech kechap loq, kumal taq ri q’atb’al tzij ri’, rumal ri’ eri PNC ri’, are kak’oji pa taq le keb’ tinamit ri’ rech kuq’atej uwach ri b’anoj k’ax chi’ xuquje’ rech k’o ya’olchajinem winaqil kub’an ri’, rech kuq’atej ri b’anoj k’ax chi la’ k’ut pa chuwe’q kab’ij ri’, rumal ri’ eri Estado de Sitio ri’ are xmajtaj k’ut pa we q’ij kamik chi’.