Pa k’is taq wokja rech pa uk’u’x nimatinamit rech Iximulew ri’, eri Ministro rech Gobernación, David Napoleón Barrientos ri’, chaq’ab’ iwir xopan ri’, che usolixik ri ya’olchajinem tzukunik kumal e ajchajil tinamit ri’ jacha ri taqom ub’anik pa le Cholchak 30-2022 ri’ ri are xub’ij, chi’ wa’ k’a jumpa’ kak’is we junab’ ri’ xuquje’ pa le nab’e q’ij rech ri 2023 ri’, rech xtaqixik ri ya’olchajinem pa taq ri wokja pa uk’u’x nimatinamit che ri qas kab’an wi k’ax ri’.
“Chi’ pa le zona 6 ri’, qas kab’an wi b’anoj taq k’ax ri’ xuquje’ rumal ri’ chi la’ k’ut tajin wi jun nimalaj ya’olchajinem tzukunim ri’”, xcha’ ri Barrientos Girón. Xub’ij ri’, che pa ronojel ri’ tajin 32 uwach tzukunem ya’ochajinik pa juntir uk’u’x nimatinamit ri’”.
“Eri ch’ob’om ri’ are rech k’o nim chajinem chi ke ri winaqilal ri’ xuquje’ rech kaq’atexik juntir ri b’anoj k’ax tajin kab’an chi ke ri’, rumal ri’ paq’ij kamik sib’alaj tajin ri ya’olchajinem tzukunik pa rulewal tinamit ri’ kumal ri Fuerzas Especiales rech Policía (FEP), rech Subdirección General rech Análisis rech Información Antinarcótica (SGAIA), kumal ri Subdirección General rech Prevención rech ri Delito (SGPD), kumal Grupo rech Reacción Inmediata Lobos (GRIL), kumal ri Inspectoría General (IG) ri’, xuquje’ kuk’ ri reqa’lenela’ ri jalajoj taq uwach ri comisarías, estaciones xuquje’ subestaciones pa ronojel rulewal nimatinamit ri’” xcha’ ri Ministro.
Eri taqawokajnel ri’, are xusolij juntir uwach ri ya’olchajinem kojom ri’ pa le 23 avenida rech ri Barrio San Antonio xuquje’ pa le Boulevard La Pedrera ri’. Jeri’ xopanik che usolixik k’olib’al chajinem tzukunik taqom ub’anik rumal ri Plan 30-2022 kojom pa le colonia San Rafael pa le zona 18, pa le colonia El Paraíso, Boulevard Los Olivos, Santa Elena II, xuquje’ pa le Subestación Policial 12-2-4 k’o pa le colonia El Paraíso II pa le zona 18 ri’.
Xasolin pa le tijob’al rech PNC
Eri Barrientos Girón xopan che jun nim solinik chi ke puq ajtijoxel rech ri Tijob’al k’o pa le zona 6, chi la’ k’ut xerilo wi ri ke’ok che ajchajinelab’ pa chuwe’q kab’ij.
Eri nim patanel ri’, xub’ij che ri jujun e ajtijoxel ke’ok che chajinel sib’alaj tajin kakitijoj kib’ pa le tijob’al ri’, rumal k’ut eri kipatan ri’ are rech kakich’ob’ ri b’anoj chajinem tzukunik ri’, ri rajwaxik kakib’an ri’ rech pa le kachajixik ri winaqilal e aj iximulew ri’.
“Are jun nimalaj utzilem chuwe are chi’ xinlinya rutzil kuwach ei 1300 chi eqa’lenelab’ ri’ ri xa’ jub’ik chik karaj katz’aq katijoxik rech te k’u ke’ok pa le k’ak’ taqanib’al chajinem winaqil ri’, are la’ sib’alaj tajin utoq’axik ub’anik rumal wokajil ajchajil tinamit”, xcha’ ri Ministro.