Eri Ministro de Gobernación, David Napoleón Barrientos, ri Primer viceministro rech Seguridad Carlos Franco ri’ xuquje’ ri rajtaqanelab’ ri Wokajil Ajchajil Tinamit (PNC) ri’, xkiya utzijol che e k’o k’i rajchajinel ri PNC ri e ajq’axel winaq pa Amaq’, rech kakib’an ch’ijom chak chi ke xuquje’ rech kakitaq b’i pa le jun chik nimatinamit.
Eri taqawokajenl rech ri ya’olchajinem pa Amaq’ xub’ij che we chanim e k’o chik 22 chi winaqil e chapom chik eri kimak kab’ixik are b’anoj k’ax ch’ijom chi ke wiaq ri’ rumal ri’ e wuqub’ chi rajchajinel ri PNC kuk’ jo’lajuj chi winaq ri’ xechapatajik. Xuquje’ xub’ij pa we q’ij kamik xb’an kchapik e wajxaqib’ chi winaqil rumal tajin kakib’an k’ax ch’ijom chak chi ke winaq ri’, are jun kajtaqanel e ajb’anol k’ax xchapataj ri’.
Rumal ri’ eri Barrientos Girón xub’ij ri’ eri e ajchajinel rech ri subestación rech San Pedro La Laguna, Tz’oloja’ ri’ xeq’alajin k’ut che e are katijom tzam xek’ut pa taq ri redes sociales ri’, rumal ri’ xechapataj loq e keb’ e ajchajinel chi’.
Eri Ministro ri’ xub’ij che k’o nik’aj chik ajchajinelab’ pa Izabal ri’, xtz’ib’ax kachib’al ri’ ketajin che utoq’ixik pwaq chi ke ri winaq e ajq’axel pa Amaq’ ri’, rumal ri’ xe’esaxel pa chak patan, rumal itzel xkib’an ri’.
Sib’alaj tajin kicha’ik kuwach
Are chi’ xta kitzijol nik’aj ajchajinel xkib’an ri k’ax ri’, eri Ministro xub’ij eri katajin ri’ are la’ uwach taq ri chajinem katajin pa le taqawokajilal ri’ rech pa le ub’anik ri Estrategia rech Transformación Policial ri’ xuquje’ xuta chi ke ri winaqilal rech chakib’ana toq’ob’ chakib’ij loq kitzijol ri’.
Xub’ij ri’ che pa we junab’ ri’ e k’i chik ri e ajchajil tinamit e uwinaqil molaj b’anol k’ax ri’ e chapom ri’, rumal ri’ e k’i e esam chi b’i pa chak pa le taqawokajil ri’, rumal e k’i e k’o pa q’atb’al tzij ri’.