Aretaq xutzijon pa le tzijob’enik pa le uwachwuj k’amq’aq’nil chi rij ri eqele’mchak pa we amaq’, ri xwok ub’anik rmal ri FUNDESA, eri Ministro rech Gobernación, Gendri Reyes, xub’ij k’ut ri qas xchakuxik chi rij ri ya’olchajinem winaqilal, che sib’alaj xq’atataj k’ut ri b’anoj taq k’ax chi ke ri winaqil chi re taq ri jastaq ri’ pa le 2,020 ri’.
“Ok’owinaq chik 25 junab’ ri’ are xk’ulmataj pa 15.3 chi kamisanik b’anom ri’ che jujun taq kab’lajchuy lajq’o’ (cien mil) chi winaqil ri’, are wa’ rajwaxik qas kaqaya’o ub’ixik ri’, rumal k’ut k’o pa 13% keleq’axik kejch’ich’ ri’, k’o pa 22% pa rajilab’al xq’atataj winaq xekatajik xuquje’ k’o pa jun 33% rajilab’al chi k’aqb’alil xe’eleq’ax ri’” xcha’.
Eri Reyes, xub’ij, che pa taq ri tinamit che ri qas xq’atataj wi ri b’anoj kamisanik are pa Nimatinamit Iximulew ri’ chi’ xk’ulmataj wi 642 ri’, pa Escuintla; Zacapa; Sacatepéquez xuquje’ pa San Marcos ri’.
Xuquje’ xuya’ utzijolil che sib’alaj katajin uya’ik uchuq’ab’il ri b’anoj chak ri’, rech uq’atexik ri b’anoj k’ax chi ke ri ixoqib’ xuquje’ ri taq ali pa we amaq’, pa le eqele’n b’anoj komonchak kumal ri taqawokajilal ri’.
“Eri Ministerio rech Gobernación xutaq ukojik ri’ 9.5 waqk’alab’ jo’chuy (millones) che ri Molaj Ixoqib’ e aj Iximulew pa taq le Chakunja rech Utz kachomaxik Ixoqib’ Kiriqom k’ax ri’ rech kab’an jun utz chomanem chi ke pa le q’atoj tzij, pa le kino’jalil xuquje’ rech k’o ilon ajkun chi ke. Xuquje’ k’o jalajoj uwach taq cholchak rech q’atenik k’ax ri’” xcha’.