Eri Wokajil Ajchajil Tinamit (PNC), xekowinik xkichap loq jun molaj b’anol k’ax pa kik’aslemal winaq ri’, aretaq xb’antaj 21 chi b’anoj tzukunem pa taq le tinamit rech Petén, Izab’al xuquje’ Baja Verapaz ri’.
Pa taq le b’anoj tzukunem ri’ xb’antaj kowinem xechapataj loq e oxlajuj chi uwinaqil ri jun molaj b’anoj k’ax ri’, chi ke e k’o jo’ob’ reqa’lenel ri Wokajil Ajchajil Tinamit (PNC), kab’ixik e are ri’ jun achi ub’i’ Francisco Alexander Chub García; jun chik ub’i’ Renato Aguirre González; jun chik ub’i’ Urbano Cujá Tecú; Jeffry Ismel Pacheco xuquje’ jun chik ub’i’ Armando de Jesús García ri’.
Xuquje’ xechapataj nik’aj chik winaq ri’ a Cristian Emanuel García; a Herlin Gabriel Salguero; a Dublas Alexander Ramos; a Elmer Emeregildo Ochoa xuquje’ a Hugo Arnoldo Lucero ri’.
E nik’aj xechapataj ri’ kab’ixik eri k’ax xkib’ano are ri’, maj pa usaqil kik’amik b’i winaq pa k’ax taq chak, choman b’anoj k’ax chi ke winaq, xuquje’ b’anoj taq itzelal ri’.