Eri Ministerio rech Gobernación sib’alaj k’o nim upatan karilo ri komon chomanem kuk’ ri q’atb’al tzij rech pa tinamit ri’, pa le xtzijob’ex wi ri ya’olchajinem katajin ri’, rumal ri’ eri taqawokajnel rech ri Ya’olchajinem pa Amaq’, Gendri Reyes Mazariegos pa le ub’enam chi la’ xuya’ k’ut ub’ixik ri k’amal b’e Amaq’ Alejandro Giammattei ri xetatab’en wi ri nik’aj chik ministros rech wokom patanem pa Amaq’il, ri are la’ riqb’al ib’ xb’an pa Baja Verapaz.
Chi’ k’u ri’ eri Reyes Mazariegos xuya’ utzijolil ri’, e pa taq le chomanem ri’ eri Ministerio rech Gobernación, pa le upatanil ri Wokajil Ajchajil Tinamit (PNC), e k’o chik 881 chi winaqil e chapom ri’, k’o 29 chi k’aqb’al riqom, k’o kajib’ chi kejach’ich’ ruk’ oxib’ chi ch’ich’ e riqom xuquje’ e k’o keb’ chi winaqil e chapom e are kab’ixik rech ketaq b’i pache’ q’atb’al tzij rech Estados Unidos, jun chi ke kariqitaj pache’ ri’.
Are la’ chakum chik ruk’ utob’anik ri Tercer Viceministerio rech Q’atel k’ax pa komonchak kuk’ nik’aj chik wokajilal rech Centro rech Atención Integral kech Winaqib’ k’o ri k’ax chi ke xe’alaxik (CAIP), rech San Jerónimo, xcha’ ri taqawokajnel rech ri Ya’olchainem pa Amaq’.
Pa le kajib’ molaj b’anol k’ax xechap wi e 44 chi uwinaqil ri’ ri tajin xkib’an ri ka’x pa kajib’ rulewal chi tinamit ri’ jun chi ke are pa Baja Verapaz, chi’ k’u ri’ qas xq’atataj wi kikamisaxik winaq xuquje’ ri b’anoj taq k’ax ri’.
Xuquje’ pa le q’atenik b’anoj k’ax ri’ k’o wajxaqib’ chi comisiones municipales rech q’atel k’ax ri’ e kojom chik, k’o 44 chi comisiones comunitarias xuquje’ jo’o’ b’anoj wokib’al chomb’al b’anom chik.
Chi ri uchakunik ri Centro rech Apoyo Integral kech Ixoqib’ e Víctimas rech ri k’ax (CAIMUS) eri Ministro xuya’ ub’ixik che ri Mingob ri’ xuta ukojik ri’ 9.8 millones chi pwaqil rech tojb’al chakunem pa juntir amaq’il xuquje’ eri upatan are kopan pa le tinamit, xcha’ ri taqawokajnel.
Eri kupatanij ri b’anoj chak ri’
Eri b’anoj chak ri’ are ri tzukunem ya’olchajinik pa taq ri nimab’e, rech kaq’atexik ri ch’ich’ che ri keqam b’i che’ qupim chik rech kakik’ayij maj pa usaqil, rumal ri’ k’o ri tzukunem ya’olchajinik pa taq ri nimab’e ri’, k’o ya’olchajinem tajin pa chi ke ri ch’ich’ xuquje’ chi ke kejach’ich’ pa tinamit ri’ xuquje’ pa taq le juyub’ ri’ rech kaq’atexik e ajb’anol k’ax, rumal ri’ tajin tzukunik chike ri winaqil xuquje’ chi ke ri ch’ich’ rech kilik we k’o we keqam kiwujilal xuquje’ we man k’ot kimak kib’anom, we man taqom ta kichapik rumal q’atb’al tzij, rech uq’atexik reqaxik k’aqb’alil maj pa usaqil, rech kilik we tajin unimaxik kumal ri winaq ri saqab’isan ib’ rech uq’atexik ri jun itzel yab’il xuquje’ uq’atexik k’ayin taq tzam maj pa usaqil ri’, xcha’ ri Reyes Mazariegos.
Eri Ministro xub’ij, tajin uchomaxik rech kaloq’oxik ri utz uwach kichak kib’anom ri PNC, rumal ri’ tajin ub’anik wari’ rumal are loq’ ri chak tajin kumal ri e ajchajil tinamit ri’, rumal ri’ kab’an usuk’umaxik ri subestación 52- 2 k’o pa Culbulco, ri reqa’lenel ri reserva pa le comisaría 52, pa taq le kesuk’umax ri wi ri ch’ich’ rech Salamá, Baja Verapaz xuquje’ pa ri Archivo Histórico rech ri Comisaría 52, rumal ri’ xjaq uach ri subestación 52 -2 -5 pa aldea Chocoj pa Rabinal, Baja Verapaz ri’ ri xkoj wiri’ rech are ke’upatanij uya’ik ri wujilal kakita ri winaqil pa le Comisaría 52 Salamá, Baja Verapaz ri’, rech unimaxik wucah ri Modelo Policial rech Seguridad Integral Comunitaria, rech pa komon kab’an kuk’ ri taqawokajil chi’ xuquje’ kuk’ nik’aj chik, ri chomanem chi kuwach ri winaqil kuk’ ri q’atb’al tzij pa tinamit ri’.
Pa le chakum chik, pa ronojel k’o 103 chi tzukunem b’anom chik pa le tinamit, rumal ri’ e k’o b’anol k’ax xechapik aretaq pa b’anoj k’ax, pa taq tzukunem xuquje’ kuk’ ri xtaq kichapik, k’o 1,098 chi winaqil e chapom ri xb’an katzukuxik, ruma ri’ xeriqitajik, k’o 35 ch’a’wib’alil riqom, k’o b’elejeb’ chi ak’alab’ e riqom, k’o 33 chi ri’j winaq riqom chik, k’o kajib’ chi ch’ich’ e riqom, k’o 106 chi ch’ich’ xek’am b’i pache’, k’o 145 chi kejach’ich’ xeriqik, k’o jun molaj b’anol k’ax xq’atexik xuquje’ k’o keb’ tzukunem xb’an pa taq japache’.
Eri Reyes Mazariegos xub’ij che are katajin upatanaxik rech uk’amsaxik chi ke ri winaqil rech kakib’ij loq ri k’ax kb’an pa le tinamit rech Baja Verapaz, pa le uchakunik ri Subdirección General rech Q’atel k’ax rehc ri PNC, e k’o wujtzijol xejach chi kuwach ri e ajk’ayib’ xuquje’ chi ke ri keloq’owik pa le nimk’ayib’l rech Salamá, are rech kak’amsan chi ke ri winaqil rech kakib’ij loq ri kax kakilo pa kq’ab’ ri Wokajil Ajchajil Tinamit.