Xok ri k’ak’ rachoch chajin tinamit “COP” pa Coatepeque ri’

Eri Centro rech Operaciones Policiales (COP) are rech kuya’ uchuq’ab’ ri utzilalaj chajinem winaqil rech Coatepeque, Xe’laju’, are wa’ ri b’anoj komonchak tajin rumal ri Ministro rech Gobernación Gendri Reyes, rech ya’olchajinem kumal ri ajchajil tinamit kuk’ ri winaqil ri kakitzij loq ub’ixik ri k’ax kakil chi la’.

Pa le ukojik ri’ xtatabe’n ri Viceministro rech Seguridad, Carlos Enrique Franco Urzúa, ri K’amal b’e rech ri Wokajil Ajchajil Tinamit, Héctor Hernández kuk’ ri ri ajk’amol ri Operaciones, Tecnología, Apoyo xuquje’ Logística, ri Subdirección General rech Análisis rech Información Antinarcótica (SGAIA) xuquje’ ri Inspector General ri’.

Eri Viceministro rech Seguridad, Carlos Franco Urzúa xub’ij k’ut pa le k’ak’ rachoch e ajchajil tinamit ri’ chi’ kek’oji wi 500 chi eqa’lenelab’ rech PNC ri jalajoj ub’anik kichak kakib’an ri’, chi k’u ri’ kak’oji ri runimal ri utaqik ri b’anoj taq puqchajinem ri’.

Eri b’anoj chajinem ri’, are la’ utaqim ri b’anoj no’jchakunem chajinik chi ke ri winaqil rech Coatepeque ruk’ ri le ukojik ri k’ak’ rachoch ajchajinem tinamit ri’, rumal k’ut are wa’ uwach ri b’anoj chajinem pa le tinamit ri’ pa le uqajib’al q’ij pa we amaq’.

 “Eri COP are kub’an uwokik b’anoj chajinem tzukunik rech kaq’atexik ri molaj b’anol k’ax chi la’ rulewal tinamit,” xcha’ ri K’amal b’e rech PNC, Héctor Hernández, xuquje’ xub’an jun sik’inem chi ke ri winaqil pa tinamit ri’ rech chakiya’ loq kitzijol nik’aj b’anol k’ax chi’.

Noticias Recientes