Aretaq xkimaj utzukuxik uwach ri’ pa le 2019, kumal ri q’atb’al tzij rech ri Subdirección General rech Investigación Criminal ri’, rumal ri jachakub’al rech ri Wokajil Ajchajil Tinamit xuquje’ ri Ministerio Público ri’, eri elaq’ rech cardadamono ri’ pa Cobán, Alta Verapaz, pa we q’ij kamik xuya’ ub’ixik chi k’o kab’lajuj biw ub’ixik loq chi rij ri’, e k’o waqib’ winaq xuquje’ kuk’ jo’ob’ chi reqa’lenel ajchajil tinamit, ri xkeleq’aj Q1 millón 469 mil 410, 10 chi pwaqil ri’.

Pa tzijolinem ri’, eri k’amal b’e rech ri PNC, Héctor Hernández, xub’ij che ri b’iw ub’ixik ri’ are la’ taqim utzukuxik uwach ri rech kechap ri’ e julajuj chi b’anoj k’ax chi rij ri’, ri xkib’an ri elaq’ xuquje’ ri k’ax elaq’nik ri’.

Eri fiscal rech Distrito xuquje’ ri k’amal b’e ri Ministerio Público (MP) pa tinamit, xkib’ij k’ut che ri b’iw ub’ixik ri’ are la’ k’o nim upatanib’al rech kechap ri nikaj e ajb’anol k’x ri’ pa taq tinamit.

Eri Adal Rodríguez, subdirector General rech Investigación Criminal, xub’ij che ri jun molaj elaq’omab’ ri’, xkimaj releq’axik cardamomo ri’, are chi’ xkijipij kib’ che b’anoj k’ax pa Villa Nueva, pa nimatinamit Iximulew, pa Escuintla xuquje’ Chimaltenango ri’. xkimaj releq’axik ch’ich’, k’aqb’alil ruk’ awan kunb’al ri’.

Eri q’atb’al tzij ri’ xkib’ij che ri b’iw ub’ixik loq pa awalik kumal winaqilal ri’ are k’o nim upatanib’al re h kechak ri nik’aj b’anol k’ax ri’, rumal ri’ tajin katzukuxik pa taq kachoch ri’.