Sib’alaj taqim ub’anik utzil chi ke ri nan kuk’ ri kal e k’o kuk’ pa le 23 rachoch’ e tz’apil wiri’ pa we Amaq’, we q’ij kamik, eri q’atb’al tzij rech ri Wokaj Japache’ Tz’apib’al ri’ (SP) xuquje’ ri Secretaria rech Obras Sociales rech Rixoqil ri K’amal b’e Amaq’ (SOSEP) ri’, xkijuch’ uwach ri nuk’chomab’al rech suk’ub’anem upam taq nimaja rech tz’apib’al ri’. pa le b’anonem ri’ xk’oji ri tercer viceministro rech Q’atenik ri K’ax ri’, Ronald Portillo.
Eri q’atb’al tzij ri’ xkib’ij che we q’ij kamik e k’o 71 chi ak’alab’ eri kijunab’ are 0-4 kijunab’ ri’ e kuk’ ri kinan pa taq le japache’ tz’apib’al, eri’ Joaquín Flores, K’amal b’e rech ri Sistema Penitenciario, xub’ij che ri tob’anik ri’ juntir ri’ ya’tal rumal ri SOSEP ri’, “xkimaj k’ut ri chakunem pa le Centro de Orientación Femenina (COF), rech kab’an jun usuk’umaxik rech are utz chi ke ri ak’alab’ ri’, ri aretaq kena’ojaxik rech te k’u ri’ kejach b’i pa q’ab’ ri e utz taq kachalalil k’a te ri’ xel ri kinan pa japache’ tz’apib’al ri’.
Rumal ri’ eri Sara Lóepz ajtz’ib’ rech ri SOSEP, xub’ij che ri tajin uk’exik uwach ri’ are xmajtaj ub’anik, “eri taq ala, taq ali meq’in kiwa tajin uya’ik pa le utz taq nimaja ri’ rech utz kek’oji pa le tijonem chi ke xuquje’ are wa’ kukub’isaj uwach juntir ri k’olib’em che ri keriqitaj wiri’”.
Are jun b’anoj chakunem ri’ are xmajtaj pa le COF, Guatemal ri’, rech te k’u ri’ kasuk’umax chik pa le japache’ tz’apib’al rech Santa Rosa xuquje’ jeri’ pa taq nik’aj chik.