Tajin utaqixik ub’anik utz ilonem chomanik winaqilal ri’ xuquje’ rech q’atenik ri k’ax pa kachoch ri’, are la’ ch’ob’atal chik kab’an pa jun chik wuqq’ij ri’ ri kamajtaj ub’anik ri ilonem chomanik winaqil kiriqom k’ax pa taq ri comisarías xuquje’ pa rachoch taq delegaciones chajin tinamit pa rulewal qatinamit. Are wa’ juntir kab’anik ukojik ri’rumal are la’ xutaq ub’anik rumal ri K’amal b’e Amaq’il xuquje’ pa komonchak kuk’ ri Q’atb’al Tzij rech ri Ministerio rech Gobernación ri’ (Mingob).
Eri b’anom ri’ are la’ kanimarisax uwach ri’ xuquje’ rech kamajtajik ri yakonik pa le 24 sedes policiales ri’.
Rumal ri’ paq’ij kamik jun rech marzo, eri Taqawokajnel rech ri Ya’olchajinem pa Amaq’il xb’an jun solinem rech ri chak che ri tajin ub’anik pa le Comisaría 14, colonia Centroamericana, zona 7 rech pa uk’u’x nimatinamit.
Pa le oficina ri’ k’o jun psicólogo, k’o ke’etz’en wi ri ak’alab’, k’o rech eyenik xuquje’ eri qas taqim ri’ are ri ilonem chomanik chi ke ri ixoqib’ che ri kakita’o ri tob’anik chi’.
Kopanem solinik
Pa le ub’antajil ri’, eri q’atb’al Tzij xkib’an jun wa’katem pa le k’olib’al ri’ che ri keyak wi 150 chi ja ri’, rech xa’ pa keb’ oxib’ ik’ wari’ kek’oji wi ri ixoqib’ kuk’ ri kal ri’, ri winaq kiriqom k’ax ri’.
Yab’al uchuq’ab’
Are maja’ na ri b’anoj nimanem ri’, eri Ministro rech Gobernación, xe’usolij e 64 chi reqa’lenel ri Subdirección General rech Operaciones (SGO), che ri tajin katijojxik che Función Policial pa Ch’ob’oj B’anoj ilonem Winaqilal Kiriqom k’ax, are la’ tijonem ya’tal kumal ri ajno’jinel internacionales pa le Tijojb’al rech ri PNC, zona 6 ri’. Rech taqim uya’ik uchuq’ab’ reta’mab’alil b’anoj kato’ik winaq kiriqom k’ax ri’.
Eri ixoq eqa’lenel al Gladis Castro, xub’ij are chi’ xuk’am ri b’iw b’ixik rumal rech q’atenik k’ax chi ke ri ixoqib’, are wa’ kaqaq’axe’j pa uq’ab’ ri Ministerio Público (MP) xuquje’ we e k’o ak’alab’ kejach pa uq’ab’ ri Procuraduría General rech ri Amaq’il Qatinamit (PGN) ri’, rech kechajixik.
“Chaqe uj are la’ k’o jun nim rajwaxik rech kechomax ri ixoqib’ xuquje’ ri ak’alab’, rumal k’u ri’ eri uj are kaqakoj ri b’anob’al ilonik ri’ ruk’ katob’anik nik’aj chik wokajilal ri’ rech ketob’anik xuquje’ rech suk’umalil ri’”, xcha’ ri Castro.
Jeri’ xub’ij ri al Leslie Toledo ri’ eri k’uttijojnem ri’ are k’o nim upatanib’al, rumal k’ut are kuk’utu juntir uwach b’anob’alil rech kil kitzijol winaqil kiriqom k’ax xuquje’ rech katoq’ixik ub’anik b’iw b’ixik kumal winaqil xuquje’ rech kakuch kuwach taq juntir.
Eri tzijolil are kak’ulik kak’amik kumal e 7 chi achijab’ xuquje’ e 57 chi ixoqib’, are wa’ kak’is ub’antajik paq’ij viernes ri’ petinaq.