Eri PNC e jok’al chi e ajb’anol k’ax chi ke ixoqib’ xkichap ri’

Eri reqa’lenel ri Departamento rech Investigación rech Delitos Sexuales rech ri Wokajil Ajchajil Tinamit ri’ (PNC) pa le nab’e q’ij rech enero k’a pa le 22 q’ij rech noviembre rech pa junab’ ri’, e 178 chi e ajb’anol k’ax chi ke taq ali, alitom, ixqob’ xuquje’ ri’j winaq ri.

Eri kajilab’al ri’ are kuk’utu che k’o ri’ 174 chi b’anoj k’ax b’anom chi ke ixoqib’ ri’, chi ke ri’ e k’o 82 chi b’anoj k’ax chi ke ixoqib’, 63 xb’an k’ax chi ke xechapik, jun k’o chik pa q’atb’al tzij ri’, e keb’ xechapik xb’an k’ax chi ke, keb’ ch’ayonem b’anom chi ke ak’alab’, wuqub’ kiya’om ta kiwa’ kirajil kalk’uwal ri’, b’elejeb’ chi b’anoj k’ax b’anom chi ke ixoqib’ ri’.

Xuquje’ e k’o keb’ elaq’omab’ e chapom ri’, jun kaniman taj, jun reqam awan kunb’alil, jun kamisanel ri’, keb’ e ajtoq’il pwaq, jun ajkamisal ixoq ri’, jun chik rumal xub’an jo’snik elaq’ ri’, jun rumal xutij tzam xch’u’jirik, jun chik rumal xmoxir pa reqale’nib’al upatan ri’. E kajib’ chi ixoqib’ xechapatajik rumal xkichap alab’om, nik’aj chik rumal xkiya’ uwi’ kiq’atanik ri’, nik’aj chik rumal toq’inik pwaq ri’ xuquje’ b’anoj k’ax chi ke ak’alab’ ri’.

Are chakunem ri’ tajin kumal ri wokajil ajchajil tinamit ri taqom rumal ri q’atb’al tzij rech ri Ministerio rech Gobernación xuquje’ ri PNC ri’.

Wexa’ chinaq k’o karaj kub’ij loq kitzijol ri e ajb’anol k’ax ri’ kech’a’w loq pa le 110 rech PNC ri’ xuquje’ chinaq karaj kopan b’a’ che ub’ixik pa taq ri k’olib’al e ajchajil tinamit ri’, rumal k’ut pa jujun taq ri’ k’o ri qas kachoman kech ri ixoqib’ che ri kumal achijab’ ri’.

Ultimas noticias

Alerta de Corrupción