Eri ajtzijolinel rech ri Wokajil Ajchajil Tinamit (PNC), Edwin Monroy, keta’m chik che ri qas keleq’ax wi ri ch’ich’ ri’ pa le nimatinamit.

Rumal ri’ are wa’kachakuxik rumal ri Departament rech Investigación Criminal rech ri Jachakunb’al rech Uq’atexik b’anoj elaq’ xuquje’ keleq’axik ch’ich’ pa komonb’al ruk’ ri Comisarías rech ri 11 xuquje’ ri 14, che ri e are kakib’an ri tzukunem ya’olchajinik, rech kaq’atexik ri nik’aj b’anol k’ax ri’.

Xub’ij ri’ che ri b’anoj tzukunik rumal ri PNC, are rech keq’atexik ri nik’aj winaq che ri kakib’an ri elaq’ ri’, xuquje’ rumal ri’ k’o tzukunik kab’an ri’ rech keq’atexik, rech kilik we k’o ch’ich’, kejch’ich’ e eleq’am ri’ xuquje’ kakilo jas ri b’anoj elaq’ kakib’n ri nik’aj b’anol k’ax ri’.

Pa tinamit ri’ kaq’atexik ri b’anoj elaq’ b’anom pa Escuintla, pa Xe’laju’ xuquje’ pa San Marcos, xuya’ ub’ixik ri ajtzijolinel ajchajil tinamit.

Pa Pajapita xb’antaj kowinem xeraqik ch’ich’ xuquje’ kejch’ich’, ruk’ kiranch’ich’ xuquje’ kichasis k’o k’exom chi ke ri’ xukquje’ rumal ri’ e k’o kajib’ elaq’omab’ xechapataj ri’, e pa Escuintla xq’atataj juntir jun molaj e b’anol k’ax rech k’ejch’ich’, ri wokom uwach kumal e wuqub’ chi winaqil ri’ xuquje’ pa k’isb’alil ri’ e k’o keb’ achijab’ xechap loq pa le colonia El Rodeo pa Escuintla zona 3 ri’.

Eri e are ri’ keqam b’i jun k’aqb’alil calibre 22, xukquje’ k’o jun chi ke k’a te jo’lajuj q’ij elinaq loq pache’ tz’apib’al ri’.
E pa nimatinamit ri’ pa taq le wokja ri’ pa taq le zona 3, 8 11 xuquje’ 12 chi’ qas kab’antaj wi jun elaq’nik ri’ rumal ri’ are wa’ katajin uchomaxik rech kaq’atexik.

Eri Wokaj e Ajchomanelab’ ri’

Eri Monroy xub’ij ri’ eri winaq keleq’axik rajawaxik b’a’ chakiya’ b’a’ ub’ixik pa aninaqil, rech makitak’ab’o kach’ich’ pa utukel kanoq, chakikojo b’a’ GPS chi ke, xuquje’ jun sik’ib’al retal ub’ixik ri’, chakikojo tz’apib’al che ri kach’ich’ ri’, mankiya’ kanoq jastaq paqil rajil pa taq le kach’ich’ ri’.