Pa le ujachik xb’an ri Ukab’ Nim ub’ixikil ri Ub’anikil Kitzukuxik pa Aninaqil ri Ixoqib’ e Sachinaq, pa le Alerta Isabel Claudina, pa le keb’ chik uchap katajin wiri’ k’o chik 3,567 chi ub’ixik kitzukuxik ub’anom chik chi ke wari’ eri 82% e raqom chik, are wa’ ya’om utzijoxik panoq kumal ri q’atb’altzij rech ri Wokajil Ajchajil Tinamit che ri e are ri’ sib’alaj kesam chik jun nim keta’mab’al che ub’anik utz che ri b’ix ub’ixik kaya’ loq chi ke.

Eri winaqil k’o ri kachalal e sachinaq ya’tal b’a’ rech ke’opan b’a’ che ub’ixik pa taq le comisarías rech ri PNC pa we amaq’, rech umajik sib’alaj ketzukux ri’, rech qas kakib’ij ucholaj pa le Ministerio Público. Eri q’atb’altzij rech PNC xkib’ij loq che k’o chik jun nim keta’mab’al rech kechoman chi ek ri winaqil ri’.

Eri rajilanem ri’ xjach ub’ixik chi rij ub’anikil ri Alerta Isabel Claudina, eri tinamit che ri qas k’o e k’i e sachinaq ri’ are pa Ixim Nimatinamit ruk’ 1 mil 453, te k’u ri’ chik ri Xe’laju’ ruk’ 214, e pa Escuintla e k’o 115 ri’, e pa Alta Verapaz e k’o 140 ri’, e pa Chimaltenango e k’o 133 ri’, e pa Petén e k’o 130 ri’, e pa Santa Rosa e k’o 128 ri’, e pa San Marcos e k’o 124 e sachinaq ri’, e pa Jutiapa e k’o 115 ri’, e pa Suchitepéquez e k’o 112 ri’ xuquje’ e pa Chinab’jul e k’o 102 ri’.

Xuquje’ e pa le ub’ixikil xya’ ub’ixik che e k’o 56 chi ixoqib’ ruk’ taq kal e sachinaq ri’, chi ke ri’ e 46 xeraqataj ri’  xuquje’ e k’o lajuj maja’ keraq ri’.

Chi ke ri 205 chi ixoqib’ b’anom k’ax chi ke e sachinaq ri’: Eri b’anom k’ax chi ke kumal achijab’ e k’o 33 ri’, eri kaminaq chik e k’o 25 xuquje’ e k’o 25 e ch’ayom. Eri q’atb’altzij xkitzuj loq che we kamik k’o kajib’ xya’taj ub’ixik e sachinaq. Eri tzijol ub’ixik ri’ are xk’ulmataj pa le waqib’ q’ij rech agosto rech 2018 pa le ik’ julio rech 2020 ri’.