Pa taq le utzukuxik jas le kib’inik kaq’axik kakib’an ri winaqil e aj iximulew ri’ xchomataj kumal rech are kakikojo ri b’isiklet pa le kawa’katik ri’.

Rumal wari’ eri taqawokajil rech e ajchajil tinamit xkikoj k’ut k’i uwach taq ri q’ilonik chi ke ri winaqil keb’in chi rij ri b’isiklet ri’ rech kakil kib’ rech ketzij taj ta rumal ri jun k’ax yab’il rech ri Coronavirus COVID – 19 ri’.

Chi ke ri q’ilonik ri’ chi ke ri winaqil e aj iximulew che ri keb’in chi rij taq b’isiklet  are b’a’ rajawaxik kakisaqab’isj rij aretaq maja’ na kakik’am b’i rech kakikojo xuquje’ rajawaxik kakisaqab’isaj ri sutaq chokonsab’al kakikojo jacha’ ri tob’al kajolom, ri kuchb’al kaq’ab’, ri tob’al uwi’kach’ek xuquje’ ri qapawib’al q’aq’ chi rij taq ri’.

Sib’alaj rajawaxik b’a’ xaq ta kakisimaj qas cho ulew ri kitza’m, xaq kakichub’ij uwa’lkichi’ pa taq le keb’in wiri’ xuquje’ pa taq nimab’e.
xuquje’ qas chakitak’ab’o b’a’ che ri qas jamal wi rech man k’ot pitz’inik kakib’an kuk’ taq winaq ri’.

Aretaq keb’in chi rij ri ch’ich’ ri’ rajawaxik kakiya’ kuxo’l kuk’ ri nik’aj chik e aj b’inisal b’isiklet ri’, eri kuxo’l kakiya’o are k’o panoq keb’ etok’al kuxo’l kuk’ taq le winaq ri’.

Xuquje’, pa k’isb’al ri’ eri b’isiklet ri’ k’o jun k’olib’al keqam b’i rech kakitij kija ruk’ ri’ are wa’ rajawaxik ri xaq keqam b’i quk’, rajawaxik b’a’ kakich’ajo xuquje’ kakisaqab’isaj rech utz kakikojo.