Eri reqa’lenel ri inspectoría rech ri Wokajil Ajchajil Tinamit xuquje’ rech ri Inspectorías General rech ri Nimawokajil rech pa Ya’olchajinem pa Tinamit, k’o ri solinem katajin kumal pa taq le k’olib’alil che ri k’o pa le Kilómetro 28 rech pa nimab’e Interamericana kab’e pa occidente, Calzada Roosvelt, Nimab’e kab’e El Salvador xuquje’ el Jocotillo ri’.
Eri katajin utaqixik pa taq le b’anoj solinem ri’ are rech kilik ri kub’al k’u’x saqilb’anik ruk’ ukojik ri kuchb’al kichi’, ri kuchb’al kaq’ab’, ri kojb’al gel che kaq’ab’ xuquje’ rech we kiya’om kuxo’l, rech uq’atexik ri jun k’ax yab’il rech ri Coronavirus (COVID19) ri’.
Xuquje’ rech kasolixik ri chakub’al kakikojo ri e ajchajil tinamit pa utz’aqatil ri’, jeri’ xya’taj ub’ixik che k’o jun utz chakunem kab’an pa taq nimab’e ri’, aretaq katajin chik ri Toque de Queda che ri kamajtaj pa le wuqlajuj (17) kajb’alil.
Eri xutaq ub’ixik ri Viceministro rech Seguridad Gendri Reyes are kanimaxik rech ya’el uchuq’ab’ ri ya’olchajinik winaqil ri’ xuquje’ rech uq’atexik ri jun k’ax yab’il ri’, pa, ri k’o pa upatan ri k’amal b’e amaq’ Alejandro Giammattei.