Eri K’amal b’e Amaq’ Iximulew xuya’ jun utzijolil pa viernes ri’ che rajawaxik kaq’atexik ri yab’ilal ub’i’ coronavirus rech ka’ok ta loq pa we amaq’ ri’, rech kakub’isaxik ri saqilem pa taq le puertos, aeropuertos xuquje’ pa taq aduanas, xcha’ ri k’amal b’e amaq’ Alejandro Giammattei.
Pa aninaqil k’ut eri Wokajil Ajchajil Tinamit, pa le upatan ri Subdirección General rech Salud Policial kuya’ chi ke ri ajchajil tinamit pa taq le aeropuertos, puertos xuquje’ pa taq k’ulb’a’t juyub’ pa amaq’, ri chakub’al jacha’ kuchb’al palaj, kuchb’al q’ab’aj xuquje’ chi la’ che ri qas rajawaxik kakoj wiri’, jacha’ ri etab’al q’aq’ chi kij winaq ri’, are wa’ chakub’al che ri kakikoj ri e ajchajil tinamit, pa taq le chak kakib’an pa taq le k’olib’al ri’, rech xuquje’ ketob’anik pa taq le chakunik kakib’an ri taqawokajil pa komon ri’ rech pa le uq’atexik ri Coronavirus.
Eri SGSP Dr. Jorge Cifuentes xub’ij che ri e ajchajinelab’ pa tinamit ri’ e are ketaq b’i pa taq le k’olib’alil rech kakiya’o utzijoxik ri’ rech jas uq’atexik ri yab’il ub’i’ Coronavirus rech pa le uq’atexik.
Eri ub’anikil ri Aeropuerto Internacional La Aurora, chi rij wari’ eri taqawokajnem rech Salud xub’ij che xukoj jun esal wachib’al ri q’a’il chi’ are rech ke’ilik ri winaq e ajb’inisaxel che ri ke’ok pa we amaq’ ri’. Xuquje’ e k’o e ajkunanel ke’ok pa taq le uk’olib’alil ri’.
Eri Coronavirus ri’ are uwach jun yab’il che xk’utan kanoq pa le junab’ 60 ri majun reta’m jas upetik ri’.
Eri yab’il ri’ are kuya’ k’ax che choluk’u’x uxlab’al jacha’ ruk’ uyab’il pospo’y ri’, ruk’ nik’aj chik k’ax kuya’ ri’.